వానికి ముదుల యిచ్చి వద్దని మానుపవే
(॥పల్లవి॥)
వానికి ముదుల యిచ్చి వద్దని మానుపవే
శ్రీనారాయణ వీనిచేత నే వేసరితి
(॥వాని॥)
నీకల్పితములే యీనిఖిలేంద్రియములు
యీకడ నీయింద్రియాల నెట్టు గెలువఁగవచ్చు
నీకడ నిన్నే కొలిచి నీయప్పణ దెచ్చి వానిఁ
బైకొని చోఁపుటగాక బలిమా రాచాజ్ఞతో
(॥వాని॥)
నీపంపునఁ గప్పిన నిజమైన మాయ యిది
మాపాటివారెల్లా మహి నెట్టు దాఁటవచ్చు
మీపాదాలే కొల్చి మీయనుజ్ఞ గొని దాని
పైపైఁ దోయుటగాక బలిమా రాచాజ్ఞతో
(॥వాని॥)
శ్రీవేంకటేశ నీచిక్కులే యీపుట్టుగులు
నీవు సేసే చేఁతలకు నే నెట్టు దొలఁగవచ్చు
నీవొద్ద శరణంటి నీయానతినే వాని
భావించి తోసితిఁగాక బలిమా రాచాజ్ఞతో
(||pallavi||)
vānigi mudula yichchi vaddani mānubave
śhrīnārāyaṇa vīniseda ne vesaridi
(||vāni||)
nīgalbidamule yīnikhileṁdriyamulu
yīgaḍa nīyiṁdriyāla nĕṭṭu gĕluvam̐gavachchu
nīgaḍa ninne kŏlisi nīyappaṇa dĕchchi vānim̐
baigŏni som̐puḍagāga balimā rāsājñado
(||vāni||)
nībaṁpunam̐ gappina nijamaina māya yidi
mābāḍivārĕllā mahi nĕṭṭu dām̐ṭavachchu
mībādāle kŏlsi mīyanujña gŏni dāni
paibaim̐ doyuḍagāga balimā rāsājñado
(||vāni||)
śhrīveṁkaḍeśha nīsikkule yībuṭṭugulu
nīvu sese sem̐talagu ne nĕṭṭu dŏlam̐gavachchu
nīvŏdda śharaṇaṁṭi nīyānadine vāni
bhāviṁchi tosidim̐gāga balimā rāsājñado