ఉవిదలాల చూడరే వుద్దగిరి కృష్ణుఁడు
(॥పల్లవి॥)
ఉవిదలాల చూడరే వుద్దగిరి కృష్ణుఁడు
నవకపు సెలవుల నవ్వుచున్నాఁడు
(॥ఉవి॥)
అచ్చపు బాలుఁడై శకటాసురు మర్దించినాఁడు
కుచ్చి కాఁగిళ్ల నింతులఁ గూడినాఁడు
మచ్చిక దోఁగెడు తాను మద్దులు విరిచినాఁడు
పిచ్చిలఁ బూతకి చన్ను పీరిచినాఁడు
(॥ఉవి॥)
పిన్ననాఁడే కోడెలతోఁ బెనఁగి గెలిచినాఁడు
యెన్నికగా వేలఁ గొండ యెత్తినాఁడు
నెన్నడిని కొండపాము వెస రెండు సేసినాఁడు
పన్ని కంసుని మదము భంజించినాఁడు
(॥ఉవి॥)
పొంచి పెద్దవాఁడై భూభారము దించినాఁడు
అంచెఁ బాండవులకు దిక్కైనవాఁడు
మించి శ్రీవేంకటగిరిమీఁద నిదె వున్నవాఁడు
వంచించక దాసులకు వరాలిచ్చేవాఁడు
(||pallavi||)
uvidalāla sūḍare vuddagiri kṛṣhṇum̐ḍu
navagabu sĕlavula navvusunnām̐ḍu
(||uvi||)
achchabu bālum̐ḍai śhagaḍāsuru mardiṁchinām̐ḍu
kuchchi kām̐giḽla niṁtulam̐ gūḍinām̐ḍu
machchiga dom̐gĕḍu tānu maddulu virisinām̐ḍu
pichchilam̐ būdagi sannu pīrisinām̐ḍu
(||uvi||)
pinnanām̐ḍe koḍĕladom̐ bĕnam̐gi gĕlisinām̐ḍu
yĕnnigagā velam̐ gŏṁḍa yĕttinām̐ḍu
nĕnnaḍini kŏṁḍabāmu vĕsa rĕṁḍu sesinām̐ḍu
panni kaṁsuni madamu bhaṁjiṁchinām̐ḍu
(||uvi||)
pŏṁchi pĕddavām̐ḍai bhūbhāramu diṁchinām̐ḍu
aṁchĕm̐ bāṁḍavulagu dikkainavām̐ḍu
miṁchi śhrīveṁkaḍagirimīm̐da nidĕ vunnavām̐ḍu
vaṁchiṁchaga dāsulagu varālichchevām̐ḍu