(॥పల్లవి॥)
ఉవిదకు వొకటైతే వొకటిగాదు
వివరించి చూడవయ్య విరసముగాదు
(॥ఉవిద॥)
చెమటల యేరు వారి చింతలచెరువు నిండె
కమలాక్షికిది వానకాలముగాదు
జమళిఁ జంద్రోదయమై చకోరములు దనిసె
అమరె శారదసమయమునూఁ గాదు
(॥ఉవిద॥)
కన్నీటిమంచు గురిసి కరపల్లవాలు ముంచె
కన్నెకిది హేమంతకాలము గాదు
వెన్నెల నవ్వుచల్లితే వెళ్ళె జాజిపులకలు
విన్నకన్నశిశిరపువేళయుఁ గాదు
(॥ఉవిద॥)
వలపులు చిగిరించె వసంతరుతువుఁగాదు
వెలసె విరహపెండ వేసవి గాదు
అలమేలుమంగఁ గూడితపుడె శ్రీ వెంకటేశ
మలయు నీమన్ననలు మరుపేరాదు
(||pallavi||)
uvidagu vŏgaḍaide vŏgaḍigādu
vivariṁchi sūḍavayya virasamugādu
(||uvida||)
sĕmaḍala yeru vāri siṁtalasĕruvu niṁḍĕ
kamalākṣhigidi vānagālamugādu
jamaḽim̐ jaṁdrodayamai sagoramulu danisĕ
amarĕ śhāradasamayamunūm̐ gādu
(||uvida||)
kannīḍimaṁchu gurisi karaballavālu muṁchĕ
kannĕgidi hemaṁtagālamu gādu
vĕnnĕla navvusallide vĕḽḽĕ jājibulagalu
vinnagannaśhiśhirabuveḽayum̐ gādu
(||uvida||)
valabulu sigiriṁchĕ vasaṁtaruduvum̐gādu
vĕlasĕ virahabĕṁḍa vesavi gādu
alamelumaṁgam̐ gūḍidabuḍĕ śhrī vĕṁkaḍeśha
malayu nīmannanalu maruberādu