(॥పల్లవి॥)
ఉవిద తనులత యేఁటి కులికిపడెనే
కవ మదనబాణాగ్నిఁ గాఁగదు గదా
(॥ఉవిద॥)
వనితలావణ్యంపు వదనశశికలములు
చనుగిరులపై నేల జారివడెనే
వెనకఁ దురమను రాహు వేవేలు రూపులై
తనర ముఖచందురుఁడు తలకఁడుగదా
(॥ఉవిద॥)
మొలకలై గుమురులై ముదితమై మరునంప-
ములుకులంతటనేల ముణుఁగఁబడెనే
పొలయు మరునస్త్రమటు పుంఖానుపుంఖములు
పొలఁతిమీఁదనె రాశివోయఁడు గదా
(॥ఉవిద॥)
కొమరైన పెనుదండు కుసుమాయుధుఁడు గదలి
తెమలి రాకిపుడెట్లఁ దిరుగఁబడెనే
విమలాంగికౌఁగిటను వేంకటేశ్వరునిఁ గని
భ్రమసి ప్రతిదండనుచు పదరఁడుగదా
(||pallavi||)
uvida tanulada yem̐ṭi kuligibaḍĕne
kava madanabāṇāgnim̐ gām̐gadu gadā
(||uvida||)
vanidalāvaṇyaṁpu vadanaśhaśhigalamulu
sanugirulabai nela jārivaḍĕne
vĕnagam̐ duramanu rāhu vevelu rūbulai
tanara mukhasaṁdurum̐ḍu talagam̐ḍugadā
(||uvida||)
mŏlagalai gumurulai mudidamai marunaṁpa-
mulugulaṁtaḍanela muṇum̐gam̐baḍĕne
pŏlayu marunastramaḍu puṁkhānubuṁkhamulu
pŏlam̐timīm̐danĕ rāśhivoyam̐ḍu gadā
(||uvida||)
kŏmaraina pĕnudaṁḍu kusumāyudhum̐ḍu gadali
tĕmali rāgibuḍĕṭlam̐ dirugam̐baḍĕne
vimalāṁgigaum̐giḍanu veṁkaḍeśhvarunim̐ gani
bhramasi pradidaṁḍanusu padaram̐ḍugadā