(॥పల్లవి॥)
ఉన్నమాట లిక నేల వో దేవా
యెన్నటి కిదేమాట యింకా నింకాను
(॥ఉన్న॥)
కొంత నా కర్మఫలము కొంత నీ రక్ష కత్వము
యింతలో రెండు గలవా యేమో దేవా
అంతర్యామివి నీవు ఆడేటిబొమ్మను నేను
చెంతఁ గాచుట నీపని సేవసేయ నాపని
(॥ఉన్న॥)
నే నపరాధి నయ్యేది నీవు వహించు కొనేది
యీ నెపాలు రెండూ నేల యేమో దేవా
మానక యిట్లయితే నీ మహిమకు గురుతేది
ఆని చింతించే నందుల కపకీర్తి యనుచు
(॥ఉన్న॥)
మెదలే నా యధమము మీ ఘనత యెంచి కావు
యిదియే నా విన్నపము యేమో దేవా
యెదుట శ్రీవేంకటేశ యిన్నిటా నీ బంటు బంట
పదివేలు నా నేరాలు పట్టకుమీ యిఁకను
(||pallavi||)
unnamāḍa liga nela vo devā
yĕnnaḍi kidemāḍa yiṁkā niṁkānu
(||unna||)
kŏṁta nā karmaphalamu kŏṁta nī rakṣha katvamu
yiṁtalo rĕṁḍu galavā yemo devā
aṁtaryāmivi nīvu āḍeḍibŏmmanu nenu
sĕṁtam̐ gāsuḍa nībani sevaseya nābani
(||unna||)
ne nabarādhi nayyedi nīvu vahiṁchu kŏnedi
yī nĕbālu rĕṁḍū nela yemo devā
mānaga yiṭlayide nī mahimagu gurudedi
āni siṁtiṁche naṁdula kabagīrdi yanusu
(||unna||)
mĕdale nā yadhamamu mī ghanada yĕṁchi kāvu
yidiye nā vinnabamu yemo devā
yĕduḍa śhrīveṁkaḍeśha yinniḍā nī baṁṭu baṁṭa
padivelu nā nerālu paṭṭagumī yim̐kanu