(॥పల్లవి॥)
ఉన్నతోన్నతుఁడు వుడయవరు
యెన్న ననంతుఁడే యీ యుడయవరు
(॥ఉన్న॥)
సర్వలోకముల శాస్త్రరహస్యము
లుర్విఁ బొడమె నీ యుడయవరు
పూర్వపు వేదాంత పుణ్యశాస్త్రములు
నిర్వహించె నన్నిటా నుడయవరు
(॥ఉన్న॥)
వెక్కసఁపు శ్రీవిష్ణుభక్తియే
వొక్కరూపమే వుడయవరు
చక్కనైన సుజ్ఞానమున కిరవై
వుక్కు మీఱె నిదె వుడయవరు
(॥ఉన్న॥)
కదిసె మోక్షసాకారము దానై
వుదుటున నిలిచె నీ యుడయవరు
యిదిగో శ్రీవేంకటేశ్వరు యీడై
పొదలుచు నున్నాఁడు భువి నుడయవరు
(||pallavi||)
unnadonnadum̐ḍu vuḍayavaru
yĕnna nanaṁtum̐ḍe yī yuḍayavaru
(||unna||)
sarvalogamula śhāstrarahasyamu
lurvim̐ bŏḍamĕ nī yuḍayavaru
pūrvabu vedāṁta puṇyaśhāstramulu
nirvahiṁchĕ nanniḍā nuḍayavaru
(||unna||)
vĕkkasam̐pu śhrīviṣhṇubhaktiye
vŏkkarūbame vuḍayavaru
sakkanaina sujñānamuna kiravai
vukku mīṟĕ nidĕ vuḍayavaru
(||unna||)
kadisĕ mokṣhasāgāramu dānai
vuduḍuna nilisĕ nī yuḍayavaru
yidigo śhrīveṁkaḍeśhvaru yīḍai
pŏdalusu nunnām̐ḍu bhuvi nuḍayavaru