(॥పల్లవి॥)
ఉన్నదిందునే వొక్క విచారము
కన్నది గానుపు ఘనపుణ్యులకు
(॥ఉన్న॥)
అగపడి పవిత్ర మపవిత్రంబును
జగమొక్కటనే జరగెడిని
పగటున నిది నా భావవికారమొ
జగదీశ్వరుని రచన నేరుపులో
(॥ఉన్న॥)
అలరిన జ్ఞానము నజ్ఞానంబును
తలఁ పొక్కటనే తగిలెడిని
చలమున నిది నా సహజపు గుణమో
పెలుచగు శ్రీహరి పెరిరేఁపనలే
(॥ఉన్న॥)
దాహపు నాలో ధర్మ మధర్మము
దేహ మొక్కటనె తిరిగెడిని
శ్రీహరి నాయాత్మ చేరిన ఫలమో
యీహల శ్రీవేంకటేశ్వరు కరుణో
(||pallavi||)
unnadiṁdune vŏkka visāramu
kannadi gānubu ghanabuṇyulagu
(||unna||)
agabaḍi pavitra mabavitraṁbunu
jagamŏkkaḍane jaragĕḍini
pagaḍuna nidi nā bhāvavigāramŏ
jagadīśhvaruni rasana nerubulo
(||unna||)
alarina jñānamu najñānaṁbunu
talam̐ pŏkkaḍane tagilĕḍini
salamuna nidi nā sahajabu guṇamo
pĕlusagu śhrīhari pĕrirem̐panale
(||unna||)
dāhabu nālo dharma madharmamu
deha mŏkkaḍanĕ tirigĕḍini
śhrīhari nāyātma serina phalamo
yīhala śhrīveṁkaḍeśhvaru karuṇo