ఉన్న విచారములేల వోవో సంసారులాల
(॥పల్లవి॥)
ఉన్న విచారములేల వోవో సంసారులాల
యిన్నిటి కితఁడే రక్ష యిదే మీకు మనరో
(॥ఉన్న॥)
తక్కక బ్రహ్మలఁగన్న తండ్రిఁ గొలిచి మీరు
యెక్కువ సంతతిగల్గి యీడేరరో
అక్కున లక్ష్మీనారాయణులఁ దలఁచి మీరు
చొక్కి మీమీదంపతులు సుఖమున నుండరో
(॥ఉన్న॥)
భవరోగవైద్యుని పాదములు సేవించి
భువి రోగములఁ బాసి పొదలరో
తవిలి పదిదిక్కులు తానైన వానిఁ
గవిసి పొగడి దిక్కు గలిగి బ్రదుకరో
(॥ఉన్న॥)
తల్లిదండ్రీ నీతఁడే తగఁ జుట్ట మీతఁడే
యెల్లగాఁ బుట్టించి పెంచేయేలి కీతఁడే
చల్లగా శ్రీవేంకటేశు శరణంటి మిదె మేము
కొల్లగా మీరెల్లా మమ్ము గుఱిగా వర్ధిల్లరో
(||pallavi||)
unna visāramulela vovo saṁsārulāla
yinniḍi kidam̐ḍe rakṣha yide mīgu manaro
(||unna||)
takkaga brahmalam̐ganna taṁḍrim̐ gŏlisi mīru
yĕkkuva saṁtadigalgi yīḍeraro
akkuna lakṣhmīnārāyaṇulam̐ dalam̐si mīru
sŏkki mīmīdaṁpadulu sukhamuna nuṁḍaro
(||unna||)
bhavarogavaidyuni pādamulu seviṁchi
bhuvi rogamulam̐ bāsi pŏdalaro
tavili padidikkulu tānaina vānim̐
gavisi pŏgaḍi dikku galigi bradugaro
(||unna||)
tallidaṁḍrī nīdam̐ḍe tagam̐ juṭṭa mīdam̐ḍe
yĕllagām̐ buṭṭiṁchi pĕṁcheyeli kīdam̐ḍe
sallagā śhrīveṁkaḍeśhu śharaṇaṁṭi midĕ memu
kŏllagā mīrĕllā mammu guṟigā vardhillaro