తురుము నీవియు జార తొయ్యలి వెరగంద
(॥పల్లవి॥)
తురుము నీవియు జార తొయ్యలి వెరగంద
సిరులఁ బరవశము సేసితిగా నీవు
(॥తురుము॥)
కొమ్మమోవి నీకుఁ బిల్లగోవిగాఁగ నిడుకొని
కుమ్మరించుఁగుత్తుకలోఁ గులుకుచును
తమ్ములపు రసము చిత్తడిగాఁ గురియుచు
చిమ్మిరేఁగ రాగము నించితివిగా నీవు
(॥తురుము॥)
పడఁతిగుబ్బలు నీకుఁ బాంచజన్యములుగా
కడివోని మొనలోలిఁ గదియ నొత్తి
తడయక మదనయుద్దము గెలిచితినంటా
వొడలి చెమటలార నూదితిగా నీవు
(॥తురుము॥)
వెలఁదివీఁపిది నీకు వీణె వొళవుగా
ములువాఁడి కొనగోళ్ళ మోఁపి మోఁపి
కలసి కౌఁగిటను వేంకటగిరి విభుఁడ నీ-
మెలుపుఁగళల తంతి మీఁటితిగా నీవు
(||pallavi||)
turumu nīviyu jāra tŏyyali vĕragaṁda
sirulam̐ baravaśhamu sesidigā nīvu
(||turumu||)
kŏmmamovi nīgum̐ billagovigām̐ga niḍugŏni
kummariṁchum̐guttugalom̐ gulugusunu
tammulabu rasamu sittaḍigām̐ guriyusu
simmirem̐ga rāgamu niṁchidivigā nīvu
(||turumu||)
paḍam̐tigubbalu nīgum̐ bāṁchajanyamulugā
kaḍivoni mŏnalolim̐ gadiya nŏtti
taḍayaga madanayuddamu gĕlisidinaṁṭā
vŏḍali sĕmaḍalāra nūdidigā nīvu
(||turumu||)
vĕlam̐divīm̐pidi nīgu vīṇĕ vŏḽavugā
muluvām̐ḍi kŏnagoḽḽa mom̐pi mom̐pi
kalasi kaum̐giḍanu veṁkaḍagiri vibhum̐ḍa nī-
mĕlubum̐gaḽala taṁti mīm̐ṭidigā nīvu