(॥పల్లవి॥)
తుద సమస్తమును దుర్లభమే
అదె సులభుఁడు మాహరి యొకఁడే
(॥తుద॥)
సురలును నరులును సొంపగు సిరులును
వొరసిన నిన్నియు నుపాధులే
నిరుపాధికుఁడును నిజకరుణానిధి
అరయఁగ నిదె మాహరి యొకఁడే
(॥తుద॥)
అందరియీవులు నఖిలకర్మములు
అందఁగరాని ప్రయాసములే
యిందిరారమణి నేచిన సేవిది
చెందరు సుజనులు చెప్పంగలదె
(॥తుద॥)
యితరోపాయము లేవి చూచినా
శ్రుతివిరహితములు శూన్యములే
రతి శ్రీవేంకటరమణునిమతి యిది
హితపరిపూర్ణం బిది యొకటే
(||pallavi||)
tuda samastamunu durlabhame
adĕ sulabhum̐ḍu māhari yŏgam̐ḍe
(||tuda||)
suralunu narulunu sŏṁpagu sirulunu
vŏrasina ninniyu nubādhule
nirubādhigum̐ḍunu nijagaruṇānidhi
arayam̐ga nidĕ māhari yŏgam̐ḍe
(||tuda||)
aṁdariyīvulu nakhilagarmamulu
aṁdam̐garāni prayāsamule
yiṁdirāramaṇi nesina sevidi
sĕṁdaru sujanulu sĕppaṁgaladĕ
(||tuda||)
yidarobāyamu levi sūsinā
śhrudivirahidamulu śhūnyamule
radi śhrīveṁkaḍaramaṇunimadi yidi
hidabaribūrṇaṁ bidi yŏgaḍe