త్రికరణశుద్ధిగా చేసిన పనులకు దేవుడు మెచ్చును లోకము మెచ్చును
(॥పల్లవి॥)
త్రికరణశుద్ధిగా చేసిన పనులకు దేవుడు మెచ్చును లోకము మెచ్చును
వొకటి కోటిగుణితంబగు మార్గములుండఁగఁ బ్రయాసపడనేలా
(॥త్రిక॥)
తనమనసే పరిపూర్ణమైన గోదావరి గంగా కావేరి
కనకబిందు యమునా గయాది ముఖ్యక్షేత్రంబుల సంతతమున్
దినకరసోమగ్రహణకాలముల తీర్థాచరణలు సేసిన ఫలములు
తనుఁ దానే సిద్ధించును వూరకే దవ్వులు దిరుగఁగ మఱి యేలా
(॥త్రిక॥)
హరియను రెండక్షరములు నుడివిన నఖిలవేదములు మంత్రములు
గరిమ ధర్మశాస్త్రపురాణాదులు క్రమమునఁ జదివిన పుణ్యములు
పరమ తపోయోగంబులు మొదలగు బహుసాధనముల సారంబు
పరిపక్వంబై ఫలియించంగా బట్టబయలు వెదకఁగనేలా
(॥త్రిక॥)
మొదల శ్రీవేంకటపతికినిఁ జేయెత్తి మొక్కిన మాత్రములోపలనే
పదిలపు షోడశదానయాగములు పంచమహాయజ్ఞంబులును
వదలక సాగంబులుగాఁ జేసినవాఁడే కాఁడా పలుమారు
మదిమదినుండే కాయక్లేశము మాఁటికి మాఁటికి దనకేలా
(||pallavi||)
trigaraṇaśhuddhigā sesina panulagu devuḍu mĕchchunu logamu mĕchchunu
vŏgaḍi koḍiguṇidaṁbagu mārgamuluṁḍam̐gam̐ brayāsabaḍanelā
(||triga||)
tanamanase paribūrṇamaina godāvari gaṁgā kāveri
kanagabiṁdu yamunā gayādi mukhyakṣhetraṁbula saṁtadamun
dinagarasomagrahaṇagālamula tīrdhāsaraṇalu sesina phalamulu
tanum̐ dāne siddhiṁchunu vūrage davvulu dirugam̐ga maṟi yelā
(||triga||)
hariyanu rĕṁḍakṣharamulu nuḍivina nakhilavedamulu maṁtramulu
garima dharmaśhāstraburāṇādulu kramamunam̐ jadivina puṇyamulu
parama taboyogaṁbulu mŏdalagu bahusādhanamula sāraṁbu
paribakvaṁbai phaliyiṁchaṁgā baṭṭabayalu vĕdagam̐ganelā
(||triga||)
mŏdala śhrīveṁkaḍabadiginim̐ jeyĕtti mŏkkina mātramulobalane
padilabu ṣhoḍaśhadānayāgamulu paṁchamahāyajñaṁbulunu
vadalaga sāgaṁbulugām̐ jesinavām̐ḍe kām̐ḍā palumāru
madimadinuṁḍe kāyakleśhamu mām̐ṭigi mām̐ṭigi danagelā