తొల్లిసేసినంతె చాలు తోడఁ జేతనం బెట్లు
(॥పల్లవి॥)
తొల్లిసేసినంతె చాలు తోడఁ జేతనం బెట్లు
చిల్లరచేఁతలు యిఁక జేయఁగ వద్దనవే
(॥తొల్లి॥)
గొల్లెత లుసురు పిల్లఁగోవిమోతలై యంటె
వొల్లనె నన్నిఁక నేఁప నొద్దనవే
మెల్లనె వారితొ బొంకిమే నెల్ల నల్ల నాయ
కల్లలు నాతో నాడఁ గమ్మటి వద్దనవే
(॥తొల్లి॥)
నెలఁతల కనుదిష్టి నెమలిచుంగులై యంటె
వలఁబెట్టి చలపట్ట వద్దనవే
అల మదరాగము పీతాంబరమై మొల నంటె
యెలయించి ననుఁ బాయ నింకా వద్దనవే
(॥తొల్లి॥)
చేరినవారి పొందులు శ్రీసతియై వుర మంటె
వోరసేయ నాతో నొద్దనవే
యీరీతి శ్రీవెంకటేశుఁ డిట్టె తా నన్నుఁ గూడి
గారవించె నిఁక నెందూఁ గదల వద్దనవే
(||pallavi||)
tŏllisesinaṁtĕ sālu toḍam̐ jedanaṁ bĕṭlu
sillarasem̐talu yim̐ka jeyam̐ga vaddanave
(||tŏlli||)
gŏllĕda lusuru pillam̐govimodalai yaṁṭĕ
vŏllanĕ nannim̐ka nem̐pa nŏddanave
mĕllanĕ vāridŏ bŏṁkime nĕlla nalla nāya
kallalu nādo nāḍam̐ gammaḍi vaddanave
(||tŏlli||)
nĕlam̐tala kanudiṣhṭi nĕmalisuṁgulai yaṁṭĕ
valam̐bĕṭṭi salabaṭṭa vaddanave
ala madarāgamu pīdāṁbaramai mŏla naṁṭĕ
yĕlayiṁchi nanum̐ bāya niṁkā vaddanave
(||tŏlli||)
serinavāri pŏṁdulu śhrīsadiyai vura maṁṭĕ
voraseya nādo nŏddanave
yīrīdi śhrīvĕṁkaḍeśhum̐ ḍiṭṭĕ tā nannum̐ gūḍi
gāraviṁchĕ nim̐ka nĕṁdūm̐ gadala vaddanave