తొల్లిటివంటిదానవా తొయ్యలి నీవు నీ
(॥పల్లవి॥)
తొల్లిటివంటిదానవా తొయ్యలి నీవు నీ
వెల్లవారికంటె జాణ వెన్నికాయఁ జేఁతలు
(॥తొల్లి॥)
దగ్గరఁ బిలిచి నిన్ను తన్నుఁదానె మాటదీసి
సిగ్గు విడిపించెఁగదె చెలువుఁడు
వెగ్గళించి ఆతనిమై వేసితివి చేయి నీ
అగ్గళిక లెల్లఁ జెల్లె నాయఁగదె పనులు
(॥తొల్లి॥)
సరసపు మాటలాడి సన్నల నవ్వులు నవ్వి
వెరవు చూపీఁ గదె విభుఁడు నీకు
దొరతనము నెరపి తొక్కితివి పాదము నీ
యిరవు చేకొంటివి యిఁక నేలె సుద్దులు
(॥తొల్లి॥)
అందాన నిన్నుఁ బొగడె నలమేలుమంగ వని
విందుగా నిన్నుఁ గూడె శ్రీవెంకటేశుఁడు
మందెమేళమున నీవు మర్మము లంటితి విట్టె
యిందరిలోపలఁ దుదకెక్కెఁ గదె కతలు
(||pallavi||)
tŏlliḍivaṁṭidānavā tŏyyali nīvu nī
vĕllavārigaṁṭĕ jāṇa vĕnnigāyam̐ jem̐talu
(||tŏlli||)
daggaram̐ bilisi ninnu tannum̐dānĕ māḍadīsi
siggu viḍibiṁchĕm̐gadĕ sĕluvum̐ḍu
vĕggaḽiṁchi ādanimai vesidivi seyi nī
aggaḽiga lĕllam̐ jĕllĕ nāyam̐gadĕ panulu
(||tŏlli||)
sarasabu māḍalāḍi sannala navvulu navvi
vĕravu sūbīm̐ gadĕ vibhum̐ḍu nīgu
dŏradanamu nĕrabi tŏkkidivi pādamu nī
yiravu segŏṁṭivi yim̐ka nelĕ suddulu
(||tŏlli||)
aṁdāna ninnum̐ bŏgaḍĕ nalamelumaṁga vani
viṁdugā ninnum̐ gūḍĕ śhrīvĕṁkaḍeśhum̐ḍu
maṁdĕmeḽamuna nīvu marmamu laṁṭidi viṭṭĕ
yiṁdarilobalam̐ dudagĕkkĕm̐ gadĕ kadalu