తొల్లిటివారు వెట్టిన తోవ యిది
(॥పల్లవి॥)
తొల్లిటివారు వెట్టిన తోవ యిది
బల్లిదులై యిందునే బదుకుటే మేలు
(॥తొల్లిటి॥)
కలఁడు సర్వేశ్వరుఁడొక్కఁడు దిక్కందరికిని
సులభుఁడు శరణము చొచ్చితేఁ గాచు నతఁడు
బలుతపములు చేసి పాట్లఁ బడ నోప మని
బలువుఁడాతని నమ్మి బ్రదుకుటే మేలు
(॥తొల్లిటి॥)
వున్నాఁడు మనసులోనే వొక్కచో వెదకవద్దు
ఇన్నిటాఁ దలఁచుకొంటే నిచ్చు నిహముఁ బరము
కన్నచోట్ల వెదకి కడు నలయనోపము
పన్నుగ నితనిఁ గొల్చి బ్రదుకుటే మేలు
(॥తొల్లిటి॥)
శ్రీవేంకటేశ్వరుఁడు చేరి నిలుచున్నవాఁడు
సేవించిన యంతలోనే చేకొని యేలు నీతఁడు
దేవతలఁ బ్రార్ధించి తెలియఁగ నేరము
భావించితని నుతించి బ్రదుకుటే మేలు
(||pallavi||)
tŏlliḍivāru vĕṭṭina tova yidi
ballidulai yiṁdune baduguḍe melu
(||tŏlliḍi||)
kalam̐ḍu sarveśhvarum̐ḍŏkkam̐ḍu dikkaṁdarigini
sulabhum̐ḍu śharaṇamu sŏchchidem̐ gāsu nadam̐ḍu
baludabamulu sesi pāṭlam̐ baḍa noba mani
baluvum̐ḍādani nammi braduguḍe melu
(||tŏlliḍi||)
vunnām̐ḍu manasulone vŏkkaso vĕdagavaddu
inniḍām̐ dalam̐sugŏṁṭe nichchu nihamum̐ baramu
kannasoṭla vĕdagi kaḍu nalayanobamu
pannuga nidanim̐ gŏlsi braduguḍe melu
(||tŏlliḍi||)
śhrīveṁkaḍeśhvarum̐ḍu seri nilusunnavām̐ḍu
seviṁchina yaṁtalone segŏni yelu nīdam̐ḍu
devadalam̐ brārdhiṁchi tĕliyam̐ga neramu
bhāviṁchidani nudiṁchi braduguḍe melu