తొల్లిటివారికంటే దొడ్డ నేను పాతకాన
(॥పల్లవి॥)
తొల్లిటివారికంటే దొడ్డ నేను పాతకాన
బల్లిదుఁడ వగుటకుఁ బ్రతాపమిదివో
(॥తొల్లి॥)
నరహరి యచ్యుత వో నారాయణా
గురుఁడు నిన్నుఁ గొండించెఁ (?) గోరి నే వింటి
గరిమ నొక్కతప్పున కాకికిఁ బరమిచ్చితి
సిరులఁ బెక్కుతప్పులు సేసితి నేమిచ్చేవే
(॥తొల్లి॥)
మందరధరుఁడ వో మధుసూదనా
అందరు నిన్నొకమాఁట ఆడఁగా వింటి
నింద కొకటి బొంకితే నీవు ధర్మజుఁ గూడితి
వంది పెక్కుబొంకుల నాయందుఁ గూటమెంతో
(॥తొల్లి॥)
శ్రీవేంకటేశ్వర శ్రీసతీమనోహర
సేవ నీదాసులే నిన్ను చేతఁ జూపేరు
మోవ నొక్క శునకము మొర యాలించితివట
వేవేలు జన్మాలెత్తితి యీవిధ మెట్లాలించేవో
(||pallavi||)
tŏlliḍivārigaṁṭe dŏḍḍa nenu pādagāna
ballidum̐ḍa vaguḍagum̐ bradābamidivo
(||tŏlli||)
narahari yachyuda vo nārāyaṇā
gurum̐ḍu ninnum̐ gŏṁḍiṁchĕm̐ (?) gori ne viṁṭi
garima nŏkkadappuna kāgigim̐ baramichchidi
sirulam̐ bĕkkudappulu sesidi nemichcheve
(||tŏlli||)
maṁdaradharum̐ḍa vo madhusūdanā
aṁdaru ninnŏgamām̐ṭa āḍam̐gā viṁṭi
niṁda kŏgaḍi bŏṁkide nīvu dharmajum̐ gūḍidi
vaṁdi pĕkkubŏṁkula nāyaṁdum̐ gūḍamĕṁto
(||tŏlli||)
śhrīveṁkaḍeśhvara śhrīsadīmanohara
seva nīdāsule ninnu sedam̐ jūberu
mova nŏkka śhunagamu mŏra yāliṁchidivaḍa
vevelu janmālĕttidi yīvidha mĕṭlāliṁchevo