తొల్లి యేరుపరచిరి దొడ్డవాఁడు హరియని
(॥పల్లవి॥)
తొల్లి యేరుపరచిరి దొడ్డవాఁడు హరియని
యెల్ల సందేహాలు బాసె నిఁకనేల చింత
(॥తొల్లి॥)
నారదుఁడు సోదించి నారాయణు నెరిఁగె
సారెకు శివుఁ డెరిఁగి చాటె రాముని
చేరి సోదించెఁ బార్వతి శ్రీరామచంద్రుని
యేరీతుల సోదించేము యింతకంటె నేము
(॥తొల్లి॥)
వేదవ్యాసులు దెలిసే వెదకి విష్ణునిఁ జెప్పె
సాదించితని యోగిసనకాదులు
యీదెస శుకాదులెల్ల నెరిఁగిరి మాధవుని
కాదని వీరికంటె గతి గానఁగలమా
(॥తొల్లి॥)
పెక్కుగాలము చదివి పెక్కేండ్లుబదికి
పెక్కు రుషులిందుననె పెద్దలైరి
దక్కఁగ శ్రీవేంకటేశు ధనముగాఁ జూపి రిదె
తక్కక కొలిచితిమి దైవమని కంటిమి
(||pallavi||)
tŏlli yerubarasiri dŏḍḍavām̐ḍu hariyani
yĕlla saṁdehālu bāsĕ nim̐kanela siṁta
(||tŏlli||)
nāradum̐ḍu sodiṁchi nārāyaṇu nĕrim̐gĕ
sārĕgu śhivum̐ ḍĕrim̐gi sāḍĕ rāmuni
seri sodiṁchĕm̐ bārvadi śhrīrāmasaṁdruni
yerīdula sodiṁchemu yiṁtagaṁṭĕ nemu
(||tŏlli||)
vedavyāsulu dĕlise vĕdagi viṣhṇunim̐ jĕppĕ
sādiṁchidani yogisanagādulu
yīdĕsa śhugādulĕlla nĕrim̐giri mādhavuni
kādani vīrigaṁṭĕ gadi gānam̐galamā
(||tŏlli||)
pĕkkugālamu sadivi pĕkkeṁḍlubadigi
pĕkku ruṣhuliṁdunanĕ pĕddalairi
dakkam̐ga śhrīveṁkaḍeśhu dhanamugām̐ jūbi ridĕ
takkaga kŏlisidimi daivamani kaṁṭimi