తొల్లి నేఁ జేసిన గురుతులంటా నేలాడేవు
(॥పల్లవి॥)
తొల్లి నేఁ జేసిన గురుతులంటా నేలాడేవు
తెల్లమిగ నింక నీవు తెలుసుకోవయ్యా
(॥తొల్లి॥)
మచ్చికనెవ్వతో నీమంచిరూపు గోడ వ్రాసి
నచ్చుల చూపులు నీమై నాఁటించఁబోలు
ఇచ్చట నీతనువుననింతటా రేకలు నిండె
చెచ్చెర మీఁదటిమాఁట చింతించుకోవయ్యా
(॥తొల్లి॥)
పొంచి మరెవ్వతో నిన్నుఁ బొందుగా మాఁకునఁజేసి
చుంచుల నీమోవి చవిచూడఁబోలును
అంచల నీయధరాననవిగో కెంపులు నిండె
దించి ఆవొచ్చాలు నీవే తీరుచుకోవయ్యా
(॥తొల్లి॥)
బత్తితో నెవ్వతో నిన్ను బయలు దలఁచి యాడ
వొత్తి కాఁగిలించుకొని వుండఁబోలును
ఇత్తల శ్రీ వేంకటేశ ఇటు నేఁ గాఁగిలించితి
హత్తి నిందలాడితి నీకవి యేఁటికయ్యా
(||pallavi||)
tŏlli nem̐ jesina gurudulaṁṭā nelāḍevu
tĕllamiga niṁka nīvu tĕlusugovayyā
(||tŏlli||)
machchiganĕvvado nīmaṁchirūbu goḍa vrāsi
nachchula sūbulu nīmai nām̐ṭiṁcham̐bolu
ichchaḍa nīdanuvunaniṁtaḍā regalu niṁḍĕ
sĕchchĕra mīm̐daḍimām̐ṭa siṁtiṁchugovayyā
(||tŏlli||)
pŏṁchi marĕvvado ninnum̐ bŏṁdugā mām̐kunam̐jesi
suṁchula nīmovi savisūḍam̐bolunu
aṁchala nīyadharānanavigo kĕṁpulu niṁḍĕ
diṁchi āvŏchchālu nīve tīrusugovayyā
(||tŏlli||)
battido nĕvvado ninnu bayalu dalam̐si yāḍa
vŏtti kām̐giliṁchugŏni vuṁḍam̐bolunu
ittala śhrī veṁkaḍeśha iḍu nem̐ gām̐giliṁchidi
hatti niṁdalāḍidi nīgavi yem̐ṭigayyā