(॥పల్లవి॥)
తొక్కనిచోట్లు దొక్కెడి మనసు
యెక్కడ గతిలే దింకనో తెరువు
(॥తొక్క॥)
పాపము వాయదు పై పై మనసున
కోపము దీరదు కొంతైనా
దీపన బాధయుఁ దీర దిన్నియును
యేపునఁ బెనఁగొనె నింకనో తెరువు
(॥తొక్క॥)
యెవ్వనమదమును నెడయదు కోరికె
కొవ్వును నణఁగదు కొంతైనా
రవ్వగు మమకారముఁ బెడఁబాయదు
యెవ్విధియును లేదింకవో తెరువు
(॥తొక్క॥)
వెఱపును విడువదు వెడమాయలఁబడి
కొఱఁతయుఁ దీరదు కొంతైనా
తెఱఁ గొసఁగేటి శ్రీతిరువేంకటపతి -
నెఱిఁగీ నెఱఁగలే మిఁకనో తెరువు
(||pallavi||)
tŏkkanisoṭlu dŏkkĕḍi manasu
yĕkkaḍa gadile diṁkano tĕruvu
(||tŏkka||)
pābamu vāyadu pai pai manasuna
kobamu dīradu kŏṁtainā
dībana bādhayum̐ dīra dinniyunu
yebunam̐ bĕnam̐gŏnĕ niṁkano tĕruvu
(||tŏkka||)
yĕvvanamadamunu nĕḍayadu korigĕ
kŏvvunu naṇam̐gadu kŏṁtainā
ravvagu mamagāramum̐ bĕḍam̐bāyadu
yĕvvidhiyunu lediṁkavo tĕruvu
(||tŏkka||)
vĕṟabunu viḍuvadu vĕḍamāyalam̐baḍi
kŏṟam̐tayum̐ dīradu kŏṁtainā
tĕṟam̐ gŏsam̐geḍi śhrīdiruveṁkaḍabadi -
nĕṟim̐gī nĕṟam̐gale mim̐kano tĕruvu