(॥పల్లవి॥)
తోడెనే పుండెరువ మందు నేరిచెనె
విడని తలంపులివి వేఁగీనె తామును
(॥తోడెనే॥)
పతిఁ బాసి మేను తాపమైన నాయెఁగాక
యితవైన యూరుపుల కేమి మూడెనె
సతతము నా హృదయజలజములోఁ బాయని
యతని నంటియుఁ దాప మందెనె తామును
(॥తోడెనే॥)
కినిసి కోరికలు వేఁగినను వేఁగెఁగాక
తనివోని కన్ను లేల తమకించీనె
యెనలేని చూపులనె యెదుటఁ బ్రాణ విభునిఁ
గనుఁగొనుచు వగలఁ గందీనే తామును
(॥తోడెనే॥)
అరిది ముదములకు నక్కరయిన నాయెఁగాక
పరవశముల కేమి బాధ వచ్చేనె
దిరు వేంకటగిరి దేవుని కౌఁగిటఁ గూడి
బిరుసుగ మేను మఱిపించీనె తామును
(||pallavi||)
toḍĕne puṁḍĕruva maṁdu nerisĕnĕ
viḍani talaṁpulivi vem̐gīnĕ tāmunu
(||toḍĕne||)
padim̐ bāsi menu tābamaina nāyĕm̐gāga
yidavaina yūrubula kemi mūḍĕnĕ
sadatamu nā hṛdayajalajamulom̐ bāyani
yadani naṁṭiyum̐ dāba maṁdĕnĕ tāmunu
(||toḍĕne||)
kinisi korigalu vem̐ginanu vem̐gĕm̐gāga
tanivoni kannu lela tamagiṁchīnĕ
yĕnaleni sūbulanĕ yĕduḍam̐ brāṇa vibhunim̐
ganum̐gŏnusu vagalam̐ gaṁdīne tāmunu
(||toḍĕne||)
aridi mudamulagu nakkarayina nāyĕm̐gāga
paravaśhamula kemi bādha vachchenĕ
diru veṁkaḍagiri devuni kaum̐giḍam̐ gūḍi
birusuga menu maṟibiṁchīnĕ tāmunu