(॥పల్లవి॥)
తొడరు నటువలెనే దొర కోపము
అడియాలమిటు సేసె నబ్బెఁగా బలిమి
(॥తొడరు॥)
తనుఁబాసినంతనే తరుణిఁ గడునేఁపెనని
వనజారి మీఁదఁ బ్రియవరుఁడు గూడి
కనలి కొనగోళ్లఁ దునుక లుసేసి జవరాలి
చను జక్కవలకొసగెఁ జాలదా బలిమి
(॥తొడరు॥)
కలికి కోమలికి చిలుకలు గండుఁ గోవిలలు
పలుకులనె వేఁచెనని ప్రాణ విభుండు
కెలపుఁ బలుకుల సన్నగిలఁ జేసి యలబలము
తలిరు మోవినె యేఁచె దక్కెఁగా బలిమి
(॥తొడరు॥)
మతినుండి చిత్తజుఁడు మగువ గారించెనని
పతి వేంకటేశ్వరుఁడు పడతిఁ గదిసి
ప్రతిలేని మనసెల్లఁ బరవశము చేసి మరు
నతివ కన్నుల నించె నదియపో బలిమి
(||pallavi||)
tŏḍaru naḍuvalĕne dŏra kobamu
aḍiyālamiḍu sesĕ nabbĕm̐gā balimi
(||tŏḍaru||)
tanum̐bāsinaṁtane taruṇim̐ gaḍunem̐pĕnani
vanajāri mīm̐dam̐ briyavarum̐ḍu gūḍi
kanali kŏnagoḽlam̐ dunuga lusesi javarāli
sanu jakkavalagŏsagĕm̐ jāladā balimi
(||tŏḍaru||)
kaligi komaligi silugalu gaṁḍum̐ govilalu
palugulanĕ vem̐sĕnani prāṇa vibhuṁḍu
kĕlabum̐ balugula sannagilam̐ jesi yalabalamu
taliru movinĕ yem̐sĕ dakkĕm̐gā balimi
(||tŏḍaru||)
madinuṁḍi sittajum̐ḍu maguva gāriṁchĕnani
padi veṁkaḍeśhvarum̐ḍu paḍadim̐ gadisi
pradileni manasĕllam̐ baravaśhamu sesi maru
nadiva kannula niṁchĕ nadiyabo balimi