తిరువీధుల మెరసీ దేవదేవుఁడు
(॥పల్లవి॥)
తిరువీధుల మెరసీ దేవదేవుఁడు
గరిమల మించిన సింగారముల తోడను
(॥తిరు॥)
తిరు దండెల పై నేఁగీ దేవుఁడిదే తొలునాఁడు
సిరుల రెండవ నాఁడు శేషుని మీఁద
మురిపేన మూఁడోనాఁడు ముత్యాల పందిరి క్రింద
పొరి నాలుగోనాఁడు పువ్వుఁ గోవిలలోను
(॥తిరు॥)
గక్కన నయిదవనాఁడు గరుడుని మీఁదను
యెక్కెను ఆరవనాఁడు యేనుగమీఁద
చొక్కమై యేడవనాఁడు సూర్యప్రభ లోనను
యిక్కువఁ దేరును గుఱ్ఱమెనిమిదోనాఁడు
(॥తిరు॥)
కనకపుటందలము కదిసి తొమ్మిదోనాఁడు
పెనచి పదోనాఁడు పెండ్లిపీఁట
యెనసి శ్రీ వేకంటేశుఁడింతి యలమేల్మంగతో
వనితల నడుమను వాహనాలమీఁదను
(||pallavi||)
tiruvīdhula mĕrasī devadevum̐ḍu
garimala miṁchina siṁgāramula toḍanu
(||tiru||)
tiru daṁḍĕla pai nem̐gī devum̐ḍide tŏlunām̐ḍu
sirula rĕṁḍava nām̐ḍu śheṣhuni mīm̐da
muribena mūm̐ḍonām̐ḍu mutyāla paṁdiri kriṁda
pŏri nālugonām̐ḍu puvvum̐ govilalonu
(||tiru||)
gakkana nayidavanām̐ḍu garuḍuni mīm̐danu
yĕkkĕnu āravanām̐ḍu yenugamīm̐da
sŏkkamai yeḍavanām̐ḍu sūryaprabha lonanu
yikkuvam̐ derunu guṭramĕnimidonām̐ḍu
(||tiru||)
kanagabuḍaṁdalamu kadisi tŏmmidonām̐ḍu
pĕnasi padonām̐ḍu pĕṁḍlibīm̐ṭa
yĕnasi śhrī vegaṁṭeśhum̐ḍiṁti yalamelmaṁgado
vanidala naḍumanu vāhanālamīm̐danu