తినరాని కొనరాని దేవలోకపుఁ బండు
(॥పల్లవి॥)
తినరాని కొనరాని దేవలోకపుఁ బండు
మనసునఁ దలఁచితే మరిగించే పండు
(॥తిన॥)
పంటకెక్కి పాలవెల్లిఁ బండిన పాలపండు
తొంటిగొల్లెతల మెవి దొండపండు
అంటుకొన్న మేనిచాయ అల్లునేరేడుఁబండు
ముంటిసింహపుగోళ్ళ ముండ్లపండు
(॥తిన॥)
ఇచ్చల వేదశాస్త్రాలు దెచ్చిన పేరీఁతపండు
తచ్చిన దైత్యమారి దేవదారుఁబండు
పచ్చిదేర మెరిసిన బండిగురువిందపండు
యిచ్చవలెనన్న వారియింటనంటిపండు
(॥తిన॥)
తెమ్మగా మునులపాలి తియ్యనిచింతపండు
తెమ్మల సిరివలపుఁదేనెపండు
యిమ్ముల శ్రీ వెంకటాద్రినింటింటిముంగిటిపండు
కొమ్మల పదారువేల గొప్పమామిడిపండు
(||pallavi||)
tinarāni kŏnarāni devalogabum̐ baṁḍu
manasunam̐ dalam̐side marigiṁche paṁḍu
(||tina||)
paṁṭagĕkki pālavĕllim̐ baṁḍina pālabaṁḍu
tŏṁṭigŏllĕdala mĕvi dŏṁḍabaṁḍu
aṁṭugŏnna menisāya allunereḍum̐baṁḍu
muṁṭisiṁhabugoḽḽa muṁḍlabaṁḍu
(||tina||)
ichchala vedaśhāstrālu dĕchchina perīm̐tabaṁḍu
tachchina daityamāri devadārum̐baṁḍu
pachchidera mĕrisina baṁḍiguruviṁdabaṁḍu
yichchavalĕnanna vāriyiṁṭanaṁṭibaṁḍu
(||tina||)
tĕmmagā munulabāli tiyyanisiṁtabaṁḍu
tĕmmala sirivalabum̐denĕbaṁḍu
yimmula śhrī vĕṁkaḍādriniṁṭiṁṭimuṁgiḍibaṁḍu
kŏmmala padāruvela gŏppamāmiḍibaṁḍu