(॥పల్లవి॥)
తెట్టఁదెరువున నేల తేరకాఁడా
యెట్టువలసిన నయ్యీ నింటికి రావయ్యా
(॥తెట్టు॥)
గొల్లెతల నీవేల కొప్పువట్టి తీసేవు
చల్లచాడె వదిలము జాజరకాడ
గుల్లసంకుదుబ్బను కొలచి పోయిమనేవు
యిల్లిదె యిప్పుడె మాయింటికి రావయ్యా
(॥తెట్టు॥)
వుమురుఁగూటాన నావొడివట్టి పెనఁగేవు
చమురు చిందీనోయి జగడగాఁడ
బమసి పిల్లఁగోవి పడిరోఁ బోయిమనేవు
యిముడుకోవలసితే యింటికి రావయ్యా
(॥తెట్టు॥)
బాలుఁడ శ్రీవెంకటేశ పయ్యదేల తొడికేవు
పాలు దొలఁకీనోయి పంతగాఁడ
కోలుముందై నీతుత్తురుఁగొమ్ములోఁబోయుమనేవు
యేలుకొందుగాని మాయింటికి రావయ్యా
(||pallavi||)
tĕṭṭam̐dĕruvuna nela teragām̐ḍā
yĕṭṭuvalasina nayyī niṁṭigi rāvayyā
(||tĕṭṭu||)
gŏllĕdala nīvela kŏppuvaṭṭi tīsevu
sallasāḍĕ vadilamu jājaragāḍa
gullasaṁkudubbanu kŏlasi poyimanevu
yillidĕ yippuḍĕ māyiṁṭigi rāvayyā
(||tĕṭṭu||)
vumurum̐gūḍāna nāvŏḍivaṭṭi pĕnam̐gevu
samuru siṁdīnoyi jagaḍagām̐ḍa
bamasi pillam̐govi paḍirom̐ boyimanevu
yimuḍugovalaside yiṁṭigi rāvayyā
(||tĕṭṭu||)
bālum̐ḍa śhrīvĕṁkaḍeśha payyadela tŏḍigevu
pālu dŏlam̐kīnoyi paṁtagām̐ḍa
kolumuṁdai nīdutturum̐gŏmmulom̐boyumanevu
yelugŏṁdugāni māyiṁṭigi rāvayyā