తెప్పగా మఱ్ఱేకుమీఁదఁ దేలాడువాఁడు
(॥పల్లవి॥)
తెప్పగా మఱ్ఱేకుమీఁదఁ దేలాడువాఁడు
ఎప్పుడు లోకములెల్ల నేలేటివాఁడు
(॥తెప్పగా॥)
మోఁతనీటి మడుగులో యీఁతగరచినవాఁడు
పాఁతగిలే నతికిందఁబాయనివాఁడు
మూఁతి దోసిపట్టి మంటిముద్ద పెల్లగించువాఁడు
రోఁతయైన పేగుల పేరుల గలవాఁడు
(॥తెప్పగా॥)
కోడికూఁతనోరివాని కుఱ్ఱతమ్ముఁడైనవాఁడు
బూడిది పూసినవాని బుద్దులవాఁడు
మాడవన్నె లేటివెంట మాయలఁ దగిలినవాఁడు
దూడల నావులఁ గాచి దొరయైనవాఁడు
(॥తెప్పగా॥)
ఆకసానఁ బారేవూరి అతివల మానములు
కాకు సేయువాఁడు తురగముపైవాఁడు
ఏకమై వేంకటగిరి నిందిరారమణిఁ గూడి
యేకాలముఁ బాయని యెనలేనివాఁడు
(||pallavi||)
tĕppagā maṭregumīm̐dam̐ delāḍuvām̐ḍu
ĕppuḍu logamulĕlla neleḍivām̐ḍu
(||tĕppagā||)
mom̐tanīḍi maḍugulo yīm̐tagarasinavām̐ḍu
pām̐tagile nadigiṁdam̐bāyanivām̐ḍu
mūm̐ti dosibaṭṭi maṁṭimudda pĕllagiṁchuvām̐ḍu
rom̐tayaina pegula perula galavām̐ḍu
(||tĕppagā||)
koḍigūm̐tanorivāni kuṭradammum̐ḍainavām̐ḍu
būḍidi pūsinavāni buddulavām̐ḍu
māḍavannĕ leḍivĕṁṭa māyalam̐ dagilinavām̐ḍu
dūḍala nāvulam̐ gāsi dŏrayainavām̐ḍu
(||tĕppagā||)
āgasānam̐ bārevūri adivala mānamulu
kāgu seyuvām̐ḍu turagamubaivām̐ḍu
egamai veṁkaḍagiri niṁdirāramaṇim̐ gūḍi
yegālamum̐ bāyani yĕnalenivām̐ḍu