తేనెయు నేయు నంపేవు తీపుమాటల
(॥పల్లవి॥)
తేనెయు నేయు నంపేవు తీపుమాటల
కానీలే తేనెయు నేయుఁ గాదా నీ యలుక
(॥తేనె॥)
కప్పురమే యంపోవు కటకటా అందుతోనే
అప్పుడైనా నిమ్మపండు నంపవైతివి
కప్పురగంధికి నీ కరుణ లేకుండుటే
కప్పురము నిమ్మపండుఁ గాదా నీయలుక
(॥తేనె॥)
సంపెంగనూనె యంపేవు సారెసారె నందుతోనె
అంపవైతి గన్నెరలు అప్పుడైనాను
ఇంపులేని కోమలికి నేఁటికి సంపెంగనూనె
కంపులును గన్నెరలుఁ గాదా నీయలుక
(॥తేనె॥)
నేరేడుఁ బండ్లే యంపేవు నెలఁతకు నందుతోనె
ఆరనియానవాలై నా నంపవైతివి
కోరి వేంకటేశ యింతిఁ గూడితిగాక లేకుంటే
నేరేడుఁబండ్లుఁ బాలును నేఁడేపో నీయలుక
(||pallavi||)
tenĕyu neyu naṁpevu tībumāḍala
kānīle tenĕyu neyum̐ gādā nī yaluga
(||tenĕ||)
kappurame yaṁpovu kaḍagaḍā aṁdudone
appuḍainā nimmabaṁḍu naṁpavaidivi
kappuragaṁdhigi nī karuṇa leguṁḍuḍe
kappuramu nimmabaṁḍum̐ gādā nīyaluga
(||tenĕ||)
saṁpĕṁganūnĕ yaṁpevu sārĕsārĕ naṁdudonĕ
aṁpavaidi gannĕralu appuḍainānu
iṁpuleni komaligi nem̐ṭigi saṁpĕṁganūnĕ
kaṁpulunu gannĕralum̐ gādā nīyaluga
(||tenĕ||)
nereḍum̐ baṁḍle yaṁpevu nĕlam̐tagu naṁdudonĕ
āraniyānavālai nā naṁpavaidivi
kori veṁkaḍeśha yiṁtim̐ gūḍidigāga leguṁṭe
nereḍum̐baṁḍlum̐ bālunu nem̐ḍebo nīyaluga