(॥పల్లవి॥)
తెలియరాదు మాయదేహమా మమ్ము
పలువికారాలఁ బెట్టి పనిగొన్న దేహమా
(॥తెలి॥)
దినమొక్క వయసెక్కే దేహమా సారె
పెనుమదము గురిసే బెండు దేహమా
దినదిన రుచిగోరే దేహమా నన్ను
ఘనమోహపాశాలఁ గట్టెఁగదె దేహమా
(॥తెలి॥)
తెలివినిద్రలుగల దేహమా నీ-
పొలము పంచభూతాలపొత్తు దేహమా
తిలకించి పాపపుణ్యాల దేహమా
బలువుగలదాఁకా బదుకవో దేహమా
(॥తెలి॥)
తీరని సంసారపు దేహమా ఇట్టె
వూరట లేనిభోగాల వోదేహమా
కూరిమి శ్రీవేంకటేశుఁ గొలిచితి నిఁక నాకు
కారణజన్మమవై కలిగినదేహమా
(||pallavi||)
tĕliyarādu māyadehamā mammu
paluvigārālam̐ bĕṭṭi panigŏnna dehamā
(||tĕli||)
dinamŏkka vayasĕkke dehamā sārĕ
pĕnumadamu gurise bĕṁḍu dehamā
dinadina rusigore dehamā nannu
ghanamohabāśhālam̐ gaṭṭĕm̐gadĕ dehamā
(||tĕli||)
tĕlivinidralugala dehamā nī-
pŏlamu paṁchabhūdālabŏttu dehamā
tilagiṁchi pābabuṇyāla dehamā
baluvugaladām̐kā badugavo dehamā
(||tĕli||)
tīrani saṁsārabu dehamā iṭṭĕ
vūraḍa lenibhogāla vodehamā
kūrimi śhrīveṁkaḍeśhum̐ gŏlisidi nim̐ka nāgu
kāraṇajanmamavai kaliginadehamā