(॥పల్లవి॥)
తెలియక వూరక తిరిగేము
చలమరి కగునా సంతతసుఖము
(॥తెలి॥)
హేయము కడుపున నిడుకొని యింకా
‘చీ’ యనని మాకు సిగ్గేది
పాయము పిడికిటఁ బట్టుచునుండేటి
కాయధారులకుఁ గలదా విరతి
(॥తెలి॥)
అంగనల రతుల యాసలనీఁదేటి
యెంగిలిమనుజుల కెగ్గేది
ముంగిట నార్గురుముచ్చులఁ గూడిన
దొంగగురుని కిందుల నిజమేది
(॥తెలి॥)
జననమరణములు సరి గని కానని
మనుజాధమునకు మహిమేది
యెనగొని శ్రీవేంకటేశు శరణ మిటు
గని మనకుండిన గతి యిఁక నేది
(||pallavi||)
tĕliyaga vūraga tirigemu
salamari kagunā saṁtadasukhamu
(||tĕli||)
heyamu kaḍubuna niḍugŏni yiṁkā
‘sī’ yanani māgu siggedi
pāyamu piḍigiḍam̐ baṭṭusunuṁḍeḍi
kāyadhārulagum̐ galadā viradi
(||tĕli||)
aṁganala radula yāsalanīm̐deḍi
yĕṁgilimanujula kĕggedi
muṁgiḍa nārgurumuchchulam̐ gūḍina
dŏṁgaguruni kiṁdula nijamedi
(||tĕli||)
jananamaraṇamulu sari gani kānani
manujādhamunagu mahimedi
yĕnagŏni śhrīveṁkaḍeśhu śharaṇa miḍu
gani managuṁḍina gadi yim̐ka nedi