(॥పల్లవి॥)
తెలిసినవారికి దేవుఁ డితఁడే
వలవని దుష్టుల వాదములేలా
(॥తెలి॥)
పురుషుల లోపలఁ బురుషోత్తముఁడు
నరులలోన నరనారాయణుఁడు
పరదైవములకుఁ బరమేశ్వరుఁడు
వరుస మూఢుల కెవ్వరో యితఁడు
(॥తెలి॥)
పలు బ్రహ్మలకును పరబ్రహ్మము
మలయు నీశులకు మహేశుఁ డితఁడు
ఇల నాత్మలలో నిటు పరమాత్ముఁడు
ఖలుల కెట్లుండునో కానము యితఁడు
(॥తెలి॥)
వేదంబులలో వేదాంతవేద్యుఁడు
సోదించ కరిఁ గాచుచో నాదిమూలము
యీదెస శ్రీవేంకటేశుఁ డిందరికి
గాదిలి మతులనుఁ గైకొనఁ డితఁడు
(||pallavi||)
tĕlisinavārigi devum̐ ḍidam̐ḍe
valavani duṣhṭula vādamulelā
(||tĕli||)
puruṣhula lobalam̐ buruṣhottamum̐ḍu
narulalona naranārāyaṇum̐ḍu
paradaivamulagum̐ barameśhvarum̐ḍu
varusa mūḍhula kĕvvaro yidam̐ḍu
(||tĕli||)
palu brahmalagunu parabrahmamu
malayu nīśhulagu maheśhum̐ ḍidam̐ḍu
ila nātmalalo niḍu paramātmum̐ḍu
khalula kĕṭluṁḍuno kānamu yidam̐ḍu
(||tĕli||)
vedaṁbulalo vedāṁtavedyum̐ḍu
sodiṁcha karim̐ gāsuso nādimūlamu
yīdĕsa śhrīveṁkaḍeśhum̐ ḍiṁdarigi
gādili madulanum̐ gaigŏnam̐ ḍidam̐ḍu