(॥పల్లవి॥)
తెలిసినమాఁట తేటతెల్లమిగాఁ జెప్పేను
తలిరుఁబోణి విభునిదండ నుండవలెనా
(॥తెలిసి॥)
ముదిత మేని పులక మొలకలు పన్నీటి
పదనునఁ దీఁ గెలువారీఁ జుండి
కదిసి వోచెలులాల గందవొడి పొదిచేత
అదన నవియుఁ బొదలయ్యీఁ జుండి
(॥తెలిసి॥)
చెలి చనుఁగొండలపై చెమట వూట పూఁదేనె
నలుకఁగాఁ గాలువలయ్యీఁ జుండి
కలికికోరికలచే కన్నుల నీరు గూడఁగా
యిలపై మదనుపేరి టేరులయ్యీఁ జుండి
(॥తెలిప॥)
కాంతమదిలోఁ బతి గడు గడుఁ దలఁచఁగా
అంతటా నాతఁడె తా నయ్యీఁ జుండి
వింతగా నింతిని శ్రీవెంకటనాథుఁడు గూడె
పంతమునఁ జెలికిఁ దాపము మాఁనె జుండి.
(||pallavi||)
tĕlisinamām̐ṭa teḍadĕllamigām̐ jĕppenu
talirum̐boṇi vibhunidaṁḍa nuṁḍavalĕnā
(||tĕlisi||)
mudida meni pulaga mŏlagalu pannīḍi
padanunam̐ dīm̐ gĕluvārīm̐ juṁḍi
kadisi vosĕlulāla gaṁdavŏḍi pŏdiseda
adana naviyum̐ bŏdalayyīm̐ juṁḍi
(||tĕlisi||)
sĕli sanum̐gŏṁḍalabai sĕmaḍa vūḍa pūm̐denĕ
nalugam̐gām̐ gāluvalayyīm̐ juṁḍi
kaligigorigalase kannula nīru gūḍam̐gā
yilabai madanuberi ṭerulayyīm̐ juṁḍi
(||tĕliba||)
kāṁtamadilom̐ badi gaḍu gaḍum̐ dalam̐sam̐gā
aṁtaḍā nādam̐ḍĕ tā nayyīm̐ juṁḍi
viṁtagā niṁtini śhrīvĕṁkaḍanāthum̐ḍu gūḍĕ
paṁtamunam̐ jĕligim̐ dābamu mām̐nĕ juṁḍi.