(॥పల్లవి॥)
తెలిసితే మోక్షము తెలియకున్న బంధము
కలవంటిది బదుకు ఘనునికిని
(॥తెలి॥)
అనయము సుఖమేడ దవల దుఃఖమేడది
తనువుపై నాసలేని తత్త్వమతికి
పొనిఁగితేఁ బాపమేది పుణ్యమేది కర్మమందు
వొనర ఫలమొల్లని యోగికిని
(॥తెలి॥)
తగిన యమృతమేది తలఁపఁగ విషమేది
తెగి నిరాహారియైన ధీరునికిని
పగవారనఁగ వేరి బంధులనఁగ వేరీ
వెగటు ప్రపంచమెల్ల విడిచే వివేకికి
(॥తెలి॥)
వేవేలువిధులందు వెఱుపేది మఱుపేది
దైవము నమ్మినయట్టి ధన్యునికిని
శ్రీవేంకటేశ్వరుఁడు చిత్తములో నున్నఁవాడు
యీవలేది యావలేది యితనిదాసునికి
(||pallavi||)
tĕliside mokṣhamu tĕliyagunna baṁdhamu
kalavaṁṭidi badugu ghanunigini
(||tĕli||)
anayamu sukhameḍa davala duḥkhameḍadi
tanuvubai nāsaleni tattvamadigi
pŏnim̐gidem̐ bābamedi puṇyamedi karmamaṁdu
vŏnara phalamŏllani yogigini
(||tĕli||)
tagina yamṛtamedi talam̐pam̐ga viṣhamedi
tĕgi nirāhāriyaina dhīrunigini
pagavāranam̐ga veri baṁdhulanam̐ga verī
vĕgaḍu prabaṁchamĕlla viḍise vivegigi
(||tĕli||)
veveluvidhulaṁdu vĕṟubedi maṟubedi
daivamu namminayaṭṭi dhanyunigini
śhrīveṁkaḍeśhvarum̐ḍu sittamulo nunnam̐vāḍu
yīvaledi yāvaledi yidanidāsunigi