(॥పల్లవి॥)
తీరుచు నతఁడే దినకర్మంబది
నూరిటి రుణ మొక నూలిపోఁగునా
(॥తీరు॥)
తొల్లిటి కర్మము దోడఁ గుడుచుటకె
తెల్లమి జీవుఁడు దేహము మోచుట
వొల్లనన్నఁ బోదున్నంత గాలము
మల్లాడి హరినే మఱవఁగ వలదు
(॥తీరు॥)
కోరిన కోర్కికి గురియగు నందుకె
సారపు సంసారసంగమిది
నేరిచి బ్రదికేటి నెపమునఁ బోదది
కూరిమి హరినే కొలువఁగవలయు
(॥తీరు॥)
తెంచని యాసలఁ దిప్పుటకే పో
పంచేంద్రియముల పంతమిది
చించినఁ బోదిది శ్రీవేంకటపతి
నించి మనసులో నించగవలయు
(||pallavi||)
tīrusu nadam̐ḍe dinagarmaṁbadi
nūriḍi ruṇa mŏga nūlibom̐gunā
(||tīru||)
tŏlliḍi karmamu doḍam̐ guḍusuḍagĕ
tĕllami jīvum̐ḍu dehamu mosuḍa
vŏllanannam̐ bodunnaṁta gālamu
mallāḍi harine maṟavam̐ga valadu
(||tīru||)
korina korgigi guriyagu naṁdugĕ
sārabu saṁsārasaṁgamidi
nerisi bradigeḍi nĕbamunam̐ bodadi
kūrimi harine kŏluvam̐gavalayu
(||tīru||)
tĕṁchani yāsalam̐ dippuḍage po
paṁcheṁdriyamula paṁtamidi
siṁchinam̐ bodidi śhrīveṁkaḍabadi
niṁchi manasulo niṁchagavalayu