(॥పల్లవి॥)
తీపనుచు చేఁదు తెగఁ దిని వెనకఁ బడరాని-
ఆపదలచేతఁ బొరలాడేము గాన
(॥తీప॥)
అప్పుదీరినదాఁకా నలవోకకైనవా-
రెప్పుడునుఁ దమవార లేలౌదురు
అప్పటప్పటికిఁ బ్రియ మనుభవింపుచు మమత
చెప్పినటువలెఁ దాము సేయవలెఁ గాక
(॥తీప॥)
పొందైనవారమని పొద్దు వోకకుఁ దిరుగు-
యిందరునుఁ దమవార లేలౌదురు
కందువగు తమకార్యగతులు దీరినదాఁక
సందడింపుచుఁ బ్రియము జరపవలెఁ గాక
(॥తీప॥)
తెగని కర్మము దమ్ముఁ దిప్పుకొని తిరిగాడ
ఆగడుకోరిచి పెక్కులాడ నేమిటికి
తగవేంకటేశ్వరునిఁ దలఁచి యిన్నిటాఁ దాము
విగతభయులయి భ్రాంతి విడువవలెఁ గాక
(||pallavi||)
tībanusu sem̐du tĕgam̐ dini vĕnagam̐ baḍarāni-
ābadalasedam̐ bŏralāḍemu gāna
(||tība||)
appudīrinadām̐kā nalavogagainavā-
rĕppuḍunum̐ damavāra lelauduru
appaḍappaḍigim̐ briya manubhaviṁpusu mamada
sĕppinaḍuvalĕm̐ dāmu seyavalĕm̐ gāga
(||tība||)
pŏṁdainavāramani pŏddu vogagum̐ dirugu-
yiṁdarunum̐ damavāra lelauduru
kaṁduvagu tamagāryagadulu dīrinadām̐ka
saṁdaḍiṁpusum̐ briyamu jarabavalĕm̐ gāga
(||tība||)
tĕgani karmamu dammum̐ dippugŏni tirigāḍa
āgaḍugorisi pĕkkulāḍa nemiḍigi
tagaveṁkaḍeśhvarunim̐ dalam̐si yinniḍām̐ dāmu
vigadabhayulayi bhrāṁti viḍuvavalĕm̐ gāga