(॥పల్లవి॥)
తరుణిమేనికిని నీతనువె మాటు
నిరతపు టాసకు నిండుఁజూపె మాటు
(॥తరుణి॥)
చెలియసిగ్గులకు చెక్కుచేయే మాటు
పలుకులకును మోవిపండె మాటు
నెలకొన్న చింతలకు నివ్వెరగే మాటు
బలుజవ్వనమునకు పయ్యదే మాటు
(॥తరుణి॥)
ముంచిన నవ్వులకును మొక్కులివే మాటు
మంచి నడపులకును మట్టెలే మాటు
వంచిన శిరసునకు వాలుఁగొప్పే మాటు
కొంచని చనులకు కొనగోరె మాటు
(॥తరుణి॥)
పొందుల రతులకను పుక్కిటివిడెమె మాటు
అందిన వేడుకకు నాయములె మాటు
విందుల వలపులకు వేవేలు రతులె మాటు
యిందుముఖికై శ్రీవేంకటేశ నీ యింపె మాటు
(||pallavi||)
taruṇimenigini nīdanuvĕ māḍu
niradabu ṭāsagu niṁḍum̐jūbĕ māḍu
(||taruṇi||)
sĕliyasiggulagu sĕkkuseye māḍu
palugulagunu movibaṁḍĕ māḍu
nĕlagŏnna siṁtalagu nivvĕrage māḍu
balujavvanamunagu payyade māḍu
(||taruṇi||)
muṁchina navvulagunu mŏkkulive māḍu
maṁchi naḍabulagunu maṭṭĕle māḍu
vaṁchina śhirasunagu vālum̐gŏppe māḍu
kŏṁchani sanulagu kŏnagorĕ māḍu
(||taruṇi||)
pŏṁdula radulaganu pukkiḍiviḍĕmĕ māḍu
aṁdina veḍugagu nāyamulĕ māḍu
viṁdula valabulagu vevelu radulĕ māḍu
yiṁdumukhigai śhrīveṁkaḍeśha nī yiṁpĕ māḍu