తరుణికనుఁగవ మోడ్పు తగఁ జూడరే
(॥పల్లవి॥)
తరుణికనుఁగవ మోడ్పు తగఁ జూడరే
వరునిఁ దనమతి సొలసి వడిఁ జూచినట్లు
(॥తరుణి॥)
వెలఁది ముక్కున వెడలు వేఁడి నిట్టూరుపుల -
చెలువమెటువలెనుండెఁ జెప్ప-గదరే
చలముకొను నలులకును సంపంగి పెనుగాలి
కలకంటిమేనికిని కాపిడినయట్లు
(॥తరుణి॥)
పడతిపైనునుఁ జెమట పన్నీటితావితో
బడిబడినె యెట్లుండె భావింపరే
అడరు విరహానలంబప్పటప్పటికార్చ
కడువేగముదకముడుగక చల్లి నట్లు
(॥తరుణి॥)
ఇంతినెన్నుదుటిపై నిపుడు చెదరిన కురులు
వింతలై యెట్లుండె వివరించరే
సంతమై వేంకటేశ్వరుఁడు చెలినేఁపు శశి-
సంతముడుపఁగఁ దమము పరె విడిచినట్లు
(||pallavi||)
taruṇiganum̐gava moḍpu tagam̐ jūḍare
varunim̐ danamadi sŏlasi vaḍim̐ jūsinaṭlu
(||taruṇi||)
vĕlam̐di mukkuna vĕḍalu vem̐ḍi niṭṭūrubula -
sĕluvamĕḍuvalĕnuṁḍĕm̐ jĕppa-gadare
salamugŏnu nalulagunu saṁpaṁgi pĕnugāli
kalagaṁṭimenigini kābiḍinayaṭlu
(||taruṇi||)
paḍadibainunum̐ jĕmaḍa pannīḍidāvido
baḍibaḍinĕ yĕṭluṁḍĕ bhāviṁpare
aḍaru virahānalaṁbappaḍappaḍigārsa
kaḍuvegamudagamuḍugaga salli naṭlu
(||taruṇi||)
iṁtinĕnnuduḍibai nibuḍu sĕdarina kurulu
viṁtalai yĕṭluṁḍĕ vivariṁchare
saṁtamai veṁkaḍeśhvarum̐ḍu sĕlinem̐pu śhaśhi-
saṁtamuḍubam̐gam̐ damamu parĕ viḍisinaṭlu