(॥పల్లవి॥)
తరుణిపై మరునికి దయలేదు నీవు
మరునినే పోలితి మరి యేఁటిబ్రదుకు
(॥తరుణి॥)
ఎదురు చూచి చూచి యింతక యేమౌనో
హృదయము ఝల్లనీ నిటుదలఁచి
పొదల తీగెలయింటఁ బొరలి యేమౌనో
మదిరాక్షికొకటైన మరియేఁటిబ్రదుకు
(॥తరుణి॥)
చెలుల దూరిదూరి సిగ్గుననేమౌనో
తలఁచి తలఁచి గుండె తల్లడించీని
కల నిన్నుఁగని లేచి గక్కన నేమౌనో
మలసి వెన్నెలమంట మరియేఁటిబ్రదుకు
(॥తరుణి॥)
ఇంతి గలయకున్న నిఁక నెంత యౌనో
పంతపు వేంకటరాయ భయమయ్యీని
ఇంత నీకరుణ నిఁక నెంత యౌనో
మంతనమింత లేకున్న మరియేఁటి బ్రదుకు
(||pallavi||)
taruṇibai marunigi dayaledu nīvu
marunine polidi mari yem̐ṭibradugu
(||taruṇi||)
ĕduru sūsi sūsi yiṁtaga yemauno
hṛdayamu jhallanī niḍudalam̐si
pŏdala tīgĕlayiṁṭam̐ bŏrali yemauno
madirākṣhigŏgaḍaina mariyem̐ṭibradugu
(||taruṇi||)
sĕlula dūridūri siggunanemauno
talam̐si talam̐si guṁḍĕ tallaḍiṁchīni
kala ninnum̐gani lesi gakkana nemauno
malasi vĕnnĕlamaṁṭa mariyem̐ṭibradugu
(||taruṇi||)
iṁti galayagunna nim̐ka nĕṁta yauno
paṁtabu veṁkaḍarāya bhayamayyīni
iṁta nīgaruṇa nim̐ka nĕṁta yauno
maṁtanamiṁta legunna mariyem̐ṭi bradugu