తరితీపులఁ బెట్టీని తనముందర నిప్పుడు
(॥పల్లవి॥)
తరితీపులఁ బెట్టీని తనముందర నిప్పుడు
హరిమాయ యింకా నెంత ఆసల ముంచీనో
(॥తరి॥)
అన్ని వేడుకలు గల యఖిల ప్రపంచము
కన్నులు మూసితే నెక్కడ నుండునో
చెన్నుమీఱ గృహారామక్షేత్రాదు లవి యెల్లా
యెన్నఁగా నిద్రించేవేళ యేడ నుండునో
(॥తరి॥)
వొసఁగ తా భోగించిన భోగోపకరణములు
యెసగఁ గొన కెక్కితే నేమి సేసునో
వనమైన పుత్రమిత్ర వర్గంబు లెల్లాను
వెసన వేరొక్క జన్మపువేళ నెట్టు లుందురో
(॥తరి॥)
పరగఁ దాఁ జేసిన పాపము శ్రీవేంకటేశు
శరణాతుఁడైతే నే చందమగునో
అరుదైన తనతొంటి యజ్ఞానము లన్నియును
గురుకృపగలవేళ కొంచి యెందు దాఁగునో
(||pallavi||)
taridībulam̐ bĕṭṭīni tanamuṁdara nippuḍu
harimāya yiṁkā nĕṁta āsala muṁchīno
(||tari||)
anni veḍugalu gala yakhila prabaṁchamu
kannulu mūside nĕkkaḍa nuṁḍuno
sĕnnumīṟa gṛhārāmakṣhetrādu lavi yĕllā
yĕnnam̐gā nidriṁcheveḽa yeḍa nuṁḍuno
(||tari||)
vŏsam̐ga tā bhogiṁchina bhogobagaraṇamulu
yĕsagam̐ gŏna kĕkkide nemi sesuno
vanamaina putramitra vargaṁbu lĕllānu
vĕsana verŏkka janmabuveḽa nĕṭṭu luṁduro
(||tari||)
paragam̐ dām̐ jesina pābamu śhrīveṁkaḍeśhu
śharaṇādum̐ḍaide ne saṁdamaguno
arudaina tanadŏṁṭi yajñānamu lanniyunu
gurukṛpagalaveḽa kŏṁchi yĕṁdu dām̐guno