(॥పల్లవి॥)
తఱి నిట్టిపనులెల్లా తగ నీవెరఁగవలె
యెఱుకలు సేసునా యిల్లాలు
(॥పల్లవి॥)
చెలి నీమొగము చూచి సెలవిఁ బారఁగ నవ్వె
మలసి మాఁటాడునా మగనాలు
తలుపు మాఁటున నిల్చి తలచూపి నిలుచుండె
చలివాసి తిరుగునా జవరాలు
(॥తఱి॥)
నీపై భారము వేసి నిట్టూర్పు నిగుడించె
మోపుగట్టునా వలపు ముద్దరాలు
తీపులు మోవిఁగార తేఁకువతోఁ జెమరించె
చాపలానఁ బైపడునా చదురాలు
(॥తఱి॥)
కొప్పుదువ్వి పయ్యదకొంగు నీపైసోఁకించె
కప్పి సిగ్గు విడుచునా ఘనురాలు
యిప్పడె శ్రీ వెంకటేశ యెనసె నిన్ను గుట్టున
విప్పుచు రట్టుసేసునా విత్తరాలు
(||pallavi||)
taṟi niṭṭibanulĕllā taga nīvĕram̐gavalĕ
yĕṟugalu sesunā yillālu
(||pallavi||)
sĕli nīmŏgamu sūsi sĕlavim̐ bāram̐ga navvĕ
malasi mām̐ṭāḍunā maganālu
talubu mām̐ṭuna nilsi talasūbi nilusuṁḍĕ
salivāsi tirugunā javarālu
(||taṟi||)
nībai bhāramu vesi niṭṭūrbu niguḍiṁchĕ
mobugaṭṭunā valabu muddarālu
tībulu movim̐gāra tem̐kuvadom̐ jĕmariṁchĕ
sābalānam̐ baibaḍunā sadurālu
(||taṟi||)
kŏppuduvvi payyadagŏṁgu nībaisom̐kiṁchĕ
kappi siggu viḍusunā ghanurālu
yippaḍĕ śhrī vĕṁkaḍeśha yĕnasĕ ninnu guṭṭuna
vippusu raṭṭusesunā vittarālu