(॥పల్లవి॥)
తరవాతి పనులెల్లఁ దగవాయఁగా
యెరవు సతము సేసీ నేమందునే
(॥తర॥)
కుప్పలుగాఁ దన్ను దూరి కోపగించె యందులోఁదా
తప్పు వట్టీ నిది లెస్స తగవాయఁగా
చెప్పనేల రాళ్లు చక్కఁజేసి మలిగండ్లేరీ
నిప్పు డిట్టె నే నిందు కేమందునే
(॥తర॥)
పూని తన్ను నేర మెంచి బుద్దిచెప్పె యందులోను
తానూ బుద్దులు చెప్పీ దగవాయఁ గా
ఆని కస్తూరి నల్ల నంటెఁ దెలుకపిండి
యీ నెపాన నల్లనంటె నేమందునే
(॥తర॥)
చెమరించీ తొలమని చేతనంటి తోయఁబోతె
తమకానఁ గాఁగిలించీఁ దగవాయఁగా
సమరతి నన్నుఁ గూడె సరి శ్రీ వెంకటపతి
యిమిడె సంతసముల నేమందమే
(||pallavi||)
taravādi panulĕllam̐ dagavāyam̐gā
yĕravu sadamu sesī nemaṁdune
(||tara||)
kuppalugām̐ dannu dūri kobagiṁchĕ yaṁdulom̐dā
tappu vaṭṭī nidi lĕssa tagavāyam̐gā
sĕppanela rāḽlu sakkam̐jesi maligaṁḍlerī
nippu ḍiṭṭĕ ne niṁdu kemaṁdune
(||tara||)
pūni tannu nera mĕṁchi buddisĕppĕ yaṁdulonu
tānū buddulu sĕppī dagavāyam̐ gā
āni kastūri nalla naṁṭĕm̐ dĕlugabiṁḍi
yī nĕbāna nallanaṁṭĕ nemaṁdune
(||tara||)
sĕmariṁchī tŏlamani sedanaṁṭi toyam̐bodĕ
tamagānam̐ gām̐giliṁchīm̐ dagavāyam̐gā
samaradi nannum̐ gūḍĕ sari śhrī vĕṁkaḍabadi
yimiḍĕ saṁtasamula nemaṁdame