తప్పులు వొప్పులు దేహి తన మూలమే
(॥పల్లవి॥)
తప్పులు వొప్పులు దేహి తన మూలమే
రెప్పలతుద నివిగో రేపులు మాపులును
(॥తప్పు॥)
తనలోని పాపములే తగిలి యెదిటివారి-
నినుపు నేరములై నిందింపించు
మనసులో పుణ్యములే మహిఁ గన్నవారిమీఁద
పొనుఁగని నేరుపులై పొగడింపించును
(॥తప్పు॥)
తొల్లిటి మరణములు తోడనే పుట్టినపుడే
యెల్లవారుఁ జూడఁగాను యేడుపించును
పెల్లురేఁగి తాఁజేసే పెనుఁ గర్మబంధములే
మెల్లనే నానాఁటికి మేను గొప్పచేసును
(॥తప్పు॥)
సావిఁ దన నడకలే స్వర్గనరకములై
జీవులకు మాయగప్పి చిక్కింపించు
శ్రీవేంకటేశ్వరు సేవ చేతిలోని మోక్షమై
కేవలపు ప్రపంచము గెలుపించును
(||pallavi||)
tappulu vŏppulu dehi tana mūlame
rĕppaladuda nivigo rebulu mābulunu
(||tappu||)
tanaloni pābamule tagili yĕdiḍivāri-
ninubu neramulai niṁdiṁpiṁchu
manasulo puṇyamule mahim̐ gannavārimīm̐da
pŏnum̐gani nerubulai pŏgaḍiṁpiṁchunu
(||tappu||)
tŏlliḍi maraṇamulu toḍane puṭṭinabuḍe
yĕllavārum̐ jūḍam̐gānu yeḍubiṁchunu
pĕllurem̐gi tām̐jese pĕnum̐ garmabaṁdhamule
mĕllane nānām̐ṭigi menu gŏppasesunu
(||tappu||)
sāvim̐ dana naḍagale svarganaragamulai
jīvulagu māyagappi sikkiṁpiṁchu
śhrīveṁkaḍeśhvaru seva sediloni mokṣhamai
kevalabu prabaṁchamu gĕlubiṁchunu