(॥పల్లవి॥)
తప్పు లెంచ నే నిన్నుఁ దరుణీ
యిప్పుడే చెప్పితిఁ జుమ్మీ యింతిరో నీకు
(॥తప్పు॥)
గంద మిచ్చి రావే చెలి కాంతునికి
నింద లేమి వచ్చునో నే నోపనమ్మా
అందియ్యవే విడెము నీ వాతనికి, నీ పతి
చెంది తమ్మ వెట్టితే నేమందువో నీవు
(॥తప్పు॥)
కమ్మి వేళ చూచి రావే కలికీ
నెమ్మి నాతో నవ్వు నేమో నే నోపనమ్మా
రమ్మని పిలువవే దూరక చేయివట్టి
అమ్మరో మేను సోఁకు నేమందువో నీవు
(॥తప్పు॥)
ఆముక యెదురుకోవే అదె వచ్చీని
నీమారు న న్నంటునేమో నే నోపనమ్మా
దోమటి శ్రీవేంకటేశుతోఁ గూడి రావే
ఆమఱఁగున నుండి యేమందువో నీవు
(||pallavi||)
tappu lĕṁcha ne ninnum̐ daruṇī
yippuḍe sĕppidim̐ jummī yiṁtiro nīgu
(||tappu||)
gaṁda michchi rāve sĕli kāṁtunigi
niṁda lemi vachchuno ne nobanammā
aṁdiyyave viḍĕmu nī vādanigi, nī padi
sĕṁdi tamma vĕṭṭide nemaṁduvo nīvu
(||tappu||)
kammi veḽa sūsi rāve kaligī
nĕmmi nādo navvu nemo ne nobanammā
rammani piluvave dūraga seyivaṭṭi
ammaro menu som̐ku nemaṁduvo nīvu
(||tappu||)
āmuga yĕdurugove adĕ vachchīni
nīmāru na nnaṁṭunemo ne nobanammā
domaḍi śhrīveṁkaḍeśhudom̐ gūḍi rāve
āmaṟam̐guna nuṁḍi yemaṁduvo nīvu