(॥పల్లవి॥)
తప్ప దీయర్థమొకటి దాఁచిన ధనము సుండీ
విప్పరాదు చెప్పరాదు వేదమందు నున్నది
(॥తప్ప॥)
హరిభక్తి గలిగిన యతనికి మోక్షము
పొరుగున నున్నట్టు పొసఁగినది
దరిశనభక్తి చేఁ దనరినవారికి
యిరవైన మోక్షము యెదిటిది
(॥తప్ప॥)
మక్కువ భాగవతాభిమానము గలవారి-
కక్కరలేని మోక్ష మరచేతిది
నిక్కి యాచార్యాభిమాననిరతులైనవారికి
తక్కక మోక్షమింతాఁ దనలోనిది
(॥తప్ప॥)
యెంత విచారించుకొన్నా నేనేమి చదివినా-
నెంతవారికైనా మోక్ష మిందులోనిది
వింతగా శ్రీవేంకటవిభుని సంకీర్తన-
వంతులకు మోక్షము వదనములోనిది
(||pallavi||)
tappa dīyardhamŏgaḍi dām̐sina dhanamu suṁḍī
vipparādu sĕpparādu vedamaṁdu nunnadi
(||tappa||)
haribhakti galigina yadanigi mokṣhamu
pŏruguna nunnaṭṭu pŏsam̐ginadi
dariśhanabhakti sem̐ danarinavārigi
yiravaina mokṣhamu yĕdiḍidi
(||tappa||)
makkuva bhāgavadābhimānamu galavāri-
kakkaraleni mokṣha marasedidi
nikki yāsāryābhimānaniradulainavārigi
takkaga mokṣhamiṁtām̐ danalonidi
(||tappa||)
yĕṁta visāriṁchugŏnnā nenemi sadivinā-
nĕṁtavārigainā mokṣha miṁdulonidi
viṁtagā śhrīveṁkaḍavibhuni saṁkīrdana-
vaṁtulagu mokṣhamu vadanamulonidi