తనువులో దైవము దయదలఁచు టెప్పుడో
(॥పల్లవి॥)
తనువులో దైవము దయదలఁచు టెప్పుడో
తనివోని తమకాన తడఁబాటు లివిగో
(॥తను॥)
చెక్కునొక్కి చెలిమీఁద చేయివేసి సారె సారె
మక్కళించి మక్కళించి మాటాడు టెపుడో
మొక్కుఁచు గన్నుల నట్టె ముచ్చట దీరఁగ లో లో
చిక్కనినవ్వులు నవ్వి చెలఁగుట యెన్నఁడో
(॥తను॥)
మోము చూచి సన్న చేసి మోహములు చల్లి చల్లి
నామువారఁ జొక్కేటినను పెప్పుడో
దీమసపుఁ గోరికలు దిష్టముగాఁ గొనసాగ
ఆమని సరసములు ఆడుట యెన్నఁడొకొ
(॥తను॥)
కాఁగిటిరతులలో కరఁగించి మానినికి
మాఁగినమోవియిచ్చేమన్న నెప్పుడో
దాఁగక ఇంతటిలోనే తరుణి యేతెంచి కూడె
సాఁగి శ్రీవేంకటేశ పంతము లిఁకెన్నఁడో
(||pallavi||)
tanuvulo daivamu dayadalam̐su ṭĕppuḍo
tanivoni tamagāna taḍam̐bāḍu livigo
(||tanu||)
sĕkkunŏkki sĕlimīm̐da seyivesi sārĕ sārĕ
makkaḽiṁchi makkaḽiṁchi māḍāḍu ṭĕbuḍo
mŏkkum̐su gannula naṭṭĕ muchchaḍa dīram̐ga lo lo
sikkaninavvulu navvi sĕlam̐guḍa yĕnnam̐ḍo
(||tanu||)
momu sūsi sanna sesi mohamulu salli salli
nāmuvāram̐ jŏkkeḍinanu pĕppuḍo
dīmasabum̐ gorigalu diṣhṭamugām̐ gŏnasāga
āmani sarasamulu āḍuḍa yĕnnam̐ḍŏgŏ
(||tanu||)
kām̐giḍiradulalo karam̐giṁchi māninigi
mām̐ginamoviyichchemanna nĕppuḍo
dām̐gaga iṁtaḍilone taruṇi yedĕṁchi kūḍĕ
sām̐gi śhrīveṁkaḍeśha paṁtamu lim̐kĕnnam̐ḍo