తనకోరిక లేఁటికి నాతఁడె యిన్నియుఁ గల్పించఁగ
(॥పల్లవి॥)
తనకోరిక లేఁటికి నాతఁడె యిన్నియుఁ గల్పించఁగ
అనువుగ నిందుకు యిద్దరి యత్నంబులు వలెనా
(॥తన॥)
అద్దముచూచెటియాతఁ డలరుచు నవ్విన నవ్వును
అద్దములోపలినీడయు నారీతినె కాదా
గద్దరియగు శ్రీవిభుసంకల్పంబుననె జగముల
సుద్దులు దుఃఖము సుఖమును సూటిఁబఁడె గానా
(॥తన॥)
నాఁటక మాడించునతఁడు నయమునఁ గదలింపంగా
నాఁటక మందలిబొమ్మలు నానాగతిఁ జెలఁగున్
ఆటలఁ జేతన్యాత్మకుఁడగు దేవుని చేష్టలనె
పాటిగఁ బాపముఁ బుణ్యము బహుళం బగుఁగానా
(॥తన॥)
అరదము నడపెటిసారథి యటునిటు వాగెటు వట్టిన
అరదముగుఱ్ఱములు మెలఁగు నాయాముఖములను
నరులను శ్రీవెంకటగిరినాథుఁడె తగ బ్రేరింపఁగ
గరవము లేమియుఁ గలిమియుఁ గలిగుండుఁ గానా
(||pallavi||)
tanagoriga lem̐ṭigi nādam̐ḍĕ yinniyum̐ galbiṁcham̐ga
anuvuga niṁdugu yiddari yatnaṁbulu valĕnā
(||tana||)
addamusūsĕḍiyādam̐ ḍalarusu navvina navvunu
addamulobalinīḍayu nārīdinĕ kādā
gaddariyagu śhrīvibhusaṁkalbaṁbunanĕ jagamula
suddulu duḥkhamu sukhamunu sūḍim̐bam̐ḍĕ gānā
(||tana||)
nām̐ṭaga māḍiṁchunadam̐ḍu nayamunam̐ gadaliṁpaṁgā
nām̐ṭaga maṁdalibŏmmalu nānāgadim̐ jĕlam̐gun
āḍalam̐ jedanyātmagum̐ḍagu devuni seṣhṭalanĕ
pāḍigam̐ bābamum̐ buṇyamu bahuḽaṁ bagum̐gānā
(||tana||)
aradamu naḍabĕḍisārathi yaḍuniḍu vāgĕḍu vaṭṭina
aradamuguṭramulu mĕlam̐gu nāyāmukhamulanu
narulanu śhrīvĕṁkaḍagirināthum̐ḍĕ taga breriṁpam̐ga
garavamu lemiyum̐ galimiyum̐ galiguṁḍum̐ gānā