తనకేమే సారె సారెఁ దడవీ నన్ను
(॥పల్లవి॥)
తనకేమే సారె సారెఁ దడవీ నన్ను
పనిలేదా పాటలేదా పంతగారివాఁడు
(॥తన॥)
మోవరాని చన్నులు మోఁచుక నే నుండఁగాను
వావు లేమి చెప్పీనే వద్దకు వచ్చి
చేవదేరి మోవిపండు చిప్పిలి తేనెగారఁగా
పూవులనేల వేసీనే పొద్దువోనివాఁడు
(॥తన॥)
మొగము అద్దముతోడ ముచ్చటాడఁగాను
నగనేల వచ్చీనే నాతోఁ దాను
వెగటైన నాతురుము వీఁపువెంట జారఁగాను
మగిడి యేమి చూచీనే మాయదారివాఁడు
(॥తన॥)
చక్కఁదనమెల్లా నామై చలపట్టుకుండఁగాను
యిక్కడ శ్రీవేంకటేశుఁ డేల ముట్టీనే
వుక్కుమీరి జవ్వనము వొడిగట్టుకండఁగాను
కక్కసించి కూడె నేమే కతకారివాఁడు
(||pallavi||)
tanageme sārĕ sārĕm̐ daḍavī nannu
paniledā pāḍaledā paṁtagārivām̐ḍu
(||tana||)
movarāni sannulu mom̐suga ne nuṁḍam̐gānu
vāvu lemi sĕppīne vaddagu vachchi
sevaderi movibaṁḍu sippili tenĕgāram̐gā
pūvulanela vesīne pŏdduvonivām̐ḍu
(||tana||)
mŏgamu addamudoḍa muchchaḍāḍam̐gānu
naganela vachchīne nādom̐ dānu
vĕgaḍaina nādurumu vīm̐puvĕṁṭa jāram̐gānu
magiḍi yemi sūsīne māyadārivām̐ḍu
(||tana||)
sakkam̐danamĕllā nāmai salabaṭṭuguṁḍam̐gānu
yikkaḍa śhrīveṁkaḍeśhum̐ ḍela muṭṭīne
vukkumīri javvanamu vŏḍigaṭṭugaṁḍam̐gānu
kakkasiṁchi kūḍĕ neme kadagārivām̐ḍu