(॥పల్లవి॥)
తనకే తెలుసునమ్మ తమకపు వేడుకలు
కొనచూపుల నవ్వీని గోవిందరాజు
(॥తనకే॥)
పడఁతులిద్దరు తన పాదములొత్తఁగాను
నడుమఁ గొడుకుఁగనె నగుతాఁ దాను
పొడమి కాంతలకుఁగా పురుషుఁడు బిడ్డఁగన్న
కొడిమెలు గట్టుకొనె గోవిందరాజు
(॥తనకే॥)
సేదదేరి యీచెలుల చేతి చెమటలఁ దోఁగి
పాదాలఁ గూఁతురుఁగనెఁ బైపైఁ దాను
ఆదిగొని మగవాఁడు ఆఁడువారికి వేఁకటై
సాదుఁదనము మోచెనిచ్చట గోవిందరాజు
(॥తనకే॥)
పెనఁగి లక్ష్మీ భూముల ప్రేమపుటంగాలు సోఁకి
మనసున బిడ్డఁగనె మరిగి తాను
వనితలకు మగఁడు వరుసకానుపుగనె
కొనబు శ్రీ వేంకటాద్రి గోవిందరాజు
(||pallavi||)
tanage tĕlusunamma tamagabu veḍugalu
kŏnasūbula navvīni goviṁdarāju
(||tanage||)
paḍam̐tuliddaru tana pādamulŏttam̐gānu
naḍumam̐ gŏḍugum̐ganĕ nagudām̐ dānu
pŏḍami kāṁtalagum̐gā puruṣhum̐ḍu biḍḍam̐ganna
kŏḍimĕlu gaṭṭugŏnĕ goviṁdarāju
(||tanage||)
sedaderi yīsĕlula sedi sĕmaḍalam̐ dom̐gi
pādālam̐ gūm̐turum̐ganĕm̐ baibaim̐ dānu
ādigŏni magavām̐ḍu ām̐ḍuvārigi vem̐kaḍai
sādum̐danamu mosĕnichchaḍa goviṁdarāju
(||tanage||)
pĕnam̐gi lakṣhmī bhūmula premabuḍaṁgālu som̐ki
manasuna biḍḍam̐ganĕ marigi tānu
vanidalagu magam̐ḍu varusagānubuganĕ
kŏnabu śhrī veṁkaḍādri goviṁdarāju