తనకర్మవశం బించుక, దైవకృతంబొక యించుక,
(॥పల్లవి॥)
తనకర్మవశం బించుక, దైవకృతంబొక యించుక,
మనసు వికారం బించుక, మానదు ప్రాణులకు
(॥తన॥)
ఈదైన్యము లీహైన్యము లీచిత్తవికారంబులు
యీదురవస్థలు గతులును యీలంపటములును
యీదాహము లీదేహము లీయను బంధంబులు మరి
యీదేహముగలకాలము యెడయవు ప్రాణులకు
(॥తన॥)
యీచూపులు యీతీపులు నీనగవులు నీతగవులు-
నీచొక్కులు నీపొక్కులు నీ వెడయలుకలును
యీచెలుములు నీబలువులు నీచనవులు నీఘనతలు-
నీచిత్తముగలకాలము యెడయవు ప్రాణులకు
(॥తన॥)
యీవెరవులు నీయెరుకవులు యీతలఁపులు నీతెలువులు
దైవశిఖామణి తిరుమల దేవునిమన్ననలు
దైవికమున కిటువగనక తనతలఁ పగ్గలమైనను
దైవము తానౌ తానే దైవంబవుఁగాన
(||pallavi||)
tanagarmavaśhaṁ biṁchuga, daivakṛtaṁbŏga yiṁchuga,
manasu vigāraṁ biṁchuga, mānadu prāṇulagu
(||tana||)
īdainyamu līhainyamu līsittavigāraṁbulu
yīduravasthalu gadulunu yīlaṁpaḍamulunu
yīdāhamu līdehamu līyanu baṁdhaṁbulu mari
yīdehamugalagālamu yĕḍayavu prāṇulagu
(||tana||)
yīsūbulu yīdībulu nīnagavulu nīdagavulu-
nīsŏkkulu nībŏkkulu nī vĕḍayalugalunu
yīsĕlumulu nībaluvulu nīsanavulu nīghanadalu-
nīsittamugalagālamu yĕḍayavu prāṇulagu
(||tana||)
yīvĕravulu nīyĕrugavulu yīdalam̐pulu nīdĕluvulu
daivaśhikhāmaṇi tirumala devunimannanalu
daivigamuna kiḍuvaganaga tanadalam̐ paggalamainanu
daivamu tānau tāne daivaṁbavum̐gāna