(॥పల్లవి॥)
తనదీఁ గాక యిందరిదీఁ గాక
తనువెల్ల బయలై దరి చేరదు
(॥తన॥)
కడుపూ నిండదు కన్నూఁ దనియదు
కడఁగి లోనియాఁకలియుఁ బోదు
సడిఁబడి కుడిచినకుడుపెల్ల నినుము
గుడిచిన నీరై కొల్లఁబోయె
(॥తన॥)
చవియూఁ దీరదు చలమూఁ బాయదు
లవలేశమైన నొల్లకపోదు
చివచివ నోటికడవలోనినీరై
కవకవ నవియుచుఁ గారీని
(॥తన॥)
అలపూఁ దోఁపదు అడవీ నెండదు
యెలయించు భంగమయునఁ బోదు
తెలసి వేంకటగిరిదేవునిఁ దలఁపించు
తలఁపైనఁ దనకు ముందర నబ్బదు
(||pallavi||)
tanadīm̐ gāga yiṁdaridīm̐ gāga
tanuvĕlla bayalai dari seradu
(||tana||)
kaḍubū niṁḍadu kannūm̐ daniyadu
kaḍam̐gi loniyām̐kaliyum̐ bodu
saḍim̐baḍi kuḍisinaguḍubĕlla ninumu
guḍisina nīrai kŏllam̐boyĕ
(||tana||)
saviyūm̐ dīradu salamūm̐ bāyadu
lavaleśhamaina nŏllagabodu
sivasiva noḍigaḍavaloninīrai
kavagava naviyusum̐ gārīni
(||tana||)
alabūm̐ dom̐padu aḍavī nĕṁḍadu
yĕlayiṁchu bhaṁgamayunam̐ bodu
tĕlasi veṁkaḍagiridevunim̐ dalam̐piṁchu
talam̐painam̐ danagu muṁdara nabbadu