(॥పల్లవి॥)
తమ్ములాల అన్నలాల తల్లులాల నే
నెమ్మనపు హరిఁ బాసి నిలువనేనిఁకను
(॥తమ్ము॥)
కొమ్మలాల మరుకోట కొమ్మలాల వో-
యమ్మలాల తొలరె నా యక్కలాల
తమ్మిరేకుఁ గన్నుల యాతనిఁ బాసి నే-
నుమ్మల సొమ్మలచేత నుండలేనిఁకను
(॥తమ్ము॥)
చెలులాల కలికి తొయ్యలులాల వో-
యెల జవ్వనముల మోహినులాల
చెలువంపు హరిఁ దలఁచిన నాకు నే -
నులుకుఁ గన్నీ రాఁపకుండలే నిఁకను
(॥తమ్ము॥)
బోఁటులాల జవ్వనపు మేఁటులాల వో-
గాఁటపుఁ దురుముల చీఁకటులాల
వాఁటమైన వేంకటేశ్వరుఁ బాసి నే-
నాఁటదాననై జన్మమందలేనిఁకను
(||pallavi||)
tammulāla annalāla tallulāla ne
nĕmmanabu harim̐ bāsi niluvanenim̐kanu
(||tammu||)
kŏmmalāla marugoḍa kŏmmalāla vo-
yammalāla tŏlarĕ nā yakkalāla
tammiregum̐ gannula yādanim̐ bāsi ne-
nummala sŏmmalaseda nuṁḍalenim̐kanu
(||tammu||)
sĕlulāla kaligi tŏyyalulāla vo-
yĕla javvanamula mohinulāla
sĕluvaṁpu harim̐ dalam̐sina nāgu ne -
nulugum̐ gannī rām̐paguṁḍale nim̐kanu
(||tammu||)
bom̐ṭulāla javvanabu mem̐ṭulāla vo-
gām̐ṭabum̐ durumula sīm̐kaḍulāla
vām̐ṭamaina veṁkaḍeśhvarum̐ bāsi ne-
nām̐ṭadānanai janmamaṁdalenim̐kanu