(॥పల్లవి॥)
తందనాన ఆహి తందనాన పురె
తందనాన భళా తందనాన
(॥తంద॥)
బ్రహ్మమొక్కటే పరబ్రహ్మమొక్కటె పర
పరబ్రహ్మమొకటే పరబ్రహ్మమొక్కటే
(॥తంద॥)
కందువగు హీనాధికములిందు లేవు
అందరికి శ్రీహరే అంతరాత్మ
ఇందులో జంతుకుల మింతా నొకటే
అందరికి శ్రీహరే అంతరాత్మ
(॥తంద॥)
నిండార రాజు నిద్రించు నిద్రయు నొకటే
అండనే బంటునిద్రదియు నొకటే
మెండైన బ్రాహ్మణుడు మెట్టు భూమి యొకటే
ఛండాలుడుండేటి సరిభూమి యొకటే
(॥తంద॥)
అనుగుదేవతలకును అలకామసుఖ మొకటే
ఘనకీటపశువులకు కామసుఖ మొకటే
దిన మహోరాత్రములు తెగి ధనాఢ్యున కొకటే
వొనర నిరుఁబేదకును వొక్కటే అవియు
(॥తంద॥)
కొరలి శిష్టాన్నములు గొను నాఁకలొకటే
తిరుగు దుష్టాన్నములు దిను నాఁకలొకటే
పరగ దుర్గంధములపై వయువు నొకటే
వరుసఁ బరిమళముపై వాయువు నొకటే
(॥తంద॥)
కడగి యేనుఁగుమీఁదఁ గాయు యెండొకటే
పుడమి శునకముమీఁదఁ బొలయు నెండొకతే
కడుఁబుణ్యులను పాపకర్ములను సరిఁ గావ
జడియు శ్రీవేంకటేశ్వరు నామ మొకటే
(||pallavi||)
taṁdanāna āhi taṁdanāna purĕ
taṁdanāna bhaḽā taṁdanāna
(||taṁda||)
brahmamŏkkaḍe parabrahmamŏkkaḍĕ para
parabrahmamŏgaḍe parabrahmamŏkkaḍe
(||taṁda||)
kaṁduvagu hīnādhigamuliṁdu levu
aṁdarigi śhrīhare aṁtarātma
iṁdulo jaṁtugula miṁtā nŏgaḍe
aṁdarigi śhrīhare aṁtarātma
(||taṁda||)
niṁḍāra rāju nidriṁchu nidrayu nŏgaḍe
aṁḍane baṁṭunidradiyu nŏgaḍe
mĕṁḍaina brāhmaṇuḍu mĕṭṭu bhūmi yŏgaḍe
shaṁḍāluḍuṁḍeḍi saribhūmi yŏgaḍe
(||taṁda||)
anugudevadalagunu alagāmasukha mŏgaḍe
ghanagīḍabaśhuvulagu kāmasukha mŏgaḍe
dina mahorātramulu tĕgi dhanāḍhyuna kŏgaḍe
vŏnara nirum̐bedagunu vŏkkaḍe aviyu
(||taṁda||)
kŏrali śhiṣhṭānnamulu gŏnu nām̐kalŏgaḍe
tirugu duṣhṭānnamulu dinu nām̐kalŏgaḍe
paraga durgaṁdhamulabai vayuvu nŏgaḍe
varusam̐ barimaḽamubai vāyuvu nŏgaḍe
(||taṁda||)
kaḍagi yenum̐gumīm̐dam̐ gāyu yĕṁḍŏgaḍe
puḍami śhunagamumīm̐dam̐ bŏlayu nĕṁḍŏgade
kaḍum̐buṇyulanu pābagarmulanu sarim̐ gāva
jaḍiyu śhrīveṁkaḍeśhvaru nāma mŏgaḍe