(॥పల్లవి॥)
తమకించకురె మీరు తరుణులాల
సముకపు నవ్వె మేలు జాణనితోను
(॥తమ॥)
విన్నవించినా మేలు వెరగుతోనున్నా మేలు
అన్నియు నెరిఁగినట్టి యాతనితోను
కన్నుల మొక్కినా మేలు కాఁకలు చల్లినా మేలు
సన్నెరిఁగి మేలఁగేటి సరసునితోను
(॥తమ॥)
ప్రియము చెప్పినా మేలు బిగువుతోనున్నా మేలు
నయగారి గుణముల నాథునితోను
క్రియలు చూపినా మేలు కేలెత్తి మెచ్చినా మేలు
దయదలఁచనేర్చిన తగుదొరతోను
(॥తమ॥)
సేవలు చేసినా మేలు చెక్కులు నొక్కినా మేలు
యీవల నన్నుఁ గూడిన యీతని తోను
వావులు చెప్పినా మేలు వన్నెలు చూపినా మేలు
శ్రీ వెంకటేశుఁడైనా చెలువునితోను
(||pallavi||)
tamagiṁchagurĕ mīru taruṇulāla
samugabu navvĕ melu jāṇanidonu
(||tama||)
vinnaviṁchinā melu vĕragudonunnā melu
anniyu nĕrim̐ginaṭṭi yādanidonu
kannula mŏkkinā melu kām̐kalu sallinā melu
sannĕrim̐gi melam̐geḍi sarasunidonu
(||tama||)
priyamu sĕppinā melu biguvudonunnā melu
nayagāri guṇamula nāthunidonu
kriyalu sūbinā melu kelĕtti mĕchchinā melu
dayadalam̐sanersina tagudŏradonu
(||tama||)
sevalu sesinā melu sĕkkulu nŏkkinā melu
yīvala nannum̐ gūḍina yīdani tonu
vāvulu sĕppinā melu vannĕlu sūbinā melu
śhrī vĕṁkaḍeśhum̐ḍainā sĕluvunidonu